تحدثت الفنانة غادة إبراهيم، عن حرصها على رضا زوجها السابق، وذلك خلال لقائها ببرنامج “تابوو” الذي يقدمه الإعلامي العراقي نزار الفارس، ويعرض عبر قناة “دجلة”.
غادة إبراهيم: لما جوزي قالي بلاش بوس ولبس أوڤر قولت له طبعًا يا حبيبي أنا يهمني أرضيك
حيث قالت: “لما أتجوزت جوزي قالي حبيبتي أنا وضعي حساس بلاش بوس ولبس أوڤر قولت له طبعًا يا حبيبي أنا يهمني أرضيك.. لإن رضا الزوج من رضا الرب”.
وأضافت: “لما جم زمايلي بعدها يسلموا عليا بقيت أقولهم إن عندي برد.. وفي واحد من أصدقائي اتريق عليا وقالي يعني أنتي دلوقتي ما بقيتيش تبوسي.. وبعد ما انفصلت عن جوزي رجعت تاني لإن رضا الراجل اللي معايا يهمني”.
وعن إثارتها للجدل بشكل دائم، دافعت غادة، عن نفسها قائلة: “الكاريزما دي حاجة بتاعت ربنا.. وأنا مثيرة للجدل عشان فيه ناس بتحطني في دماغها.. وناس بتحبني وعايزة تعرف غادة فين وبتعمل إيه”.
وتابعت: “أنا دايمًا صريحة مش مصطنعة.. واللي في قلبي على لساني.. وبقالي 20 سنة في الوسط محدش سمع عني.. واللي حصل في السنوات الأخيرة لإن نجمي طلع وبقيت لذيذة وبطلع في المهرجانات وبشتغل في أعمال داخل وخارج مصر”.
وأكملت: “فيه نفسنة بقى وحيزبونات.. وأنا عندي أعداء جوه الوسط الفني والوسط الإعلامي ومن كل حتة”.. فلما أتعزم في مهرجان وأمشي ع الريد كاربت وأنا تاريخي صغير وواحدة تانية سوبر ستار بقالها 40 سنة بتمثل تدخل بأردافها وباللغد وما بتصرفش ع البوتوكس فاكرة إن تاريخها هيشفع لها.. وأنا لو معايا ربع الفلوس اللي معاها هبقى أحلى من هيفاء”.
