هاجمت الفنانة غادة إبراهيم، المطرب أحمد سعد، بعد إطلالته المثيرة للجدل التي ظهر بها في حفله بمدينة جدة في المملكة العربية السعودية.
غادة إبراهيم: لو جوزي لبس زي أحمد سعد أطلع أنا ع المسرح بالبيبي دول بقى
حيث قالت غادة، في تصريحات تليفزيونية خلال لقائها مع الإعلامي العراقي نزار الفارس، مقدم برنامج “تابوو” الذي يعرض عبر قناة “دجلة”: “ما بحبش الراجل اللي بيلبس زي أحمد سعد”.
وأضافت: “ده مش هينقص من رجولته بس هيتفهم غلط.. وأحمد المفروض إنه راجل أوي وصعيدي.. بس أنا اتصدمت لما لقيته لابس بالشكل ده في حفلة جدة”.
وتابعت: “ممكن الناس تشكك في ميوله بسبب اللبس ده لإنه لبس غير سوي.. ولقيت ع السوشيال ميديا ناس مركبة جيبة على اللي هو لابسة.. بالرغم إن أحمد على طول بيغني تواشيح دينية.. ونفسي أجيب الستايلست اللي لبسه كده وأقوله دمرت الراجل منك لله”.
وردًا على سؤال مقدم البرنامج الذي قال فيه “تقبلي إن زوجك يلبس كده؟”، قالت الفنانة غادة إبراهيم: “ما أقبلش طبعًا إنه يلبس زي أحمد سعد أو يلبس حلق في ودنه.. وبعدين لو هو لبس كده أمال أنا ألبس إيه.. على كده أطلع ع المسرح بالبيبي دول بقى!”.
وأشارت غادة، إلى أنها لا تعرف كواليس ظهور أحمد سعد، بهذه الإطلالة مؤكدة أنها ستظل تحبه بالرغم من ظهوره بهذا الشكل، قائلة: “أنا ما أعرفش أحمد سعد عمل كده ليه.. بس مع ذلك أنا من عشاقه”.
