كشفت الفنانة والراقصة الاستعراضية الكبيرة فيفي عبده، عن رأيها في رفض نجم كرة القدم البرتغالي كريستيانو رونالدو، الزواج من حبيبته جورجينا رودريجيز، خلال حوارها مع الإعلامية ياسمين عز، في حلقة أمس الأحد، من برنامج “كلام الناس” الذي يعرض عبر قناة “MBC مصر”.
فيفي عبده لكريستيانو رونالدو: مش عايز تتجوز أم العيال ليه؟ ده أنت راجل زي القمر ومؤدب
حيث قالت: “دي جايبة لك أربع أطفال أو 3 أطفال مش عايز تتجوزها ليه يا عم كريستيانو.. ليه مش عايز تتجوز أم العيال إيه الفكرة في كده.. ده مضايقني جدًا منه أنا بحبه جدًا وراجل زي القمر وراجل مؤدب وراجل لطيف.. وهي لذيذة جدًا ليه مش عايز تتجوز جورجينا.. أم العيال.. أمال دول هتسيبهم كده أوبن بوفيه.. أنا مش فاهمة أنت جايب الـ 3 عيال دول ليه؟”.
وأضافت: “عايز أفهم السر في ده إيه.. لو السر في الموضوع إنه بيراضي أمه وفي نفس الوقت بيحبها ومخلف منها ومش قادر يستغنى عنها بس لازم يراضي أمه.. رضا أمه بعد رضا ربنا.. أنا دلوقتي سكت خلاص.. كنت بقول بقى الست دي عاملة لك ده كله و3 عيال ولا 4 عيال ما شاء الله عليهم وهو ماشاء الله بيحبها.. أتاري الموضوع أمه.. طب أمه دي محدش قالهالي قبل كده”.
