في لفتة إنسانية، استجاب الرئيس عبد الفتاح السيسي، لمطالب سيدتين مرتا بظروف صعبة الأولى تدعى (محروسة، وتبلغ من العمر 42 سنة، وتعمل على تروسيكل متحدية إعاقتها، والثانية (جيهان) وهي سيدة تعمل في ورشة تصليح الكاوتش لرعاية أسرتها.
الرئيس السيسي: خلوا الناس الطيبة تدعي ربنا يفرجها علينا
وقال الرئيس السيسي، في مداخلة هاتفية له مع برنامج “من مصر” الذي يقدمه الإعلامي عمرو خليل، ويذاع عبر قناة “cbc” أول أمس الأحد: “مقدرش أبدًا أغفل أو أتجاوز أي حاجة تيجي قدامي.. عشان هتحاسب من ربنا سبحانه وتعالى”.
ووجه الرئيس السيسي، حديثه للسيدة (محروسة) قائلًا: “رضاكي يا بنتي هو الأمل اللي عندي.. أكون سبب في إرضاء الناس”.
وقال للسيدة (جيهان): “مش عاوزك تشيلي الهم.. وبشكرك على اللي ربتيهم واللي جوزتيهم أجرك كبير أوي عند ربنا”.
وأضاف الرئيس السيسي، قائلًا: “في ناس كتير عندهم مشاكل كبيرة بس على الأقل اللي أشوفه أساعد في حله” في إشارة إلى أن المشكلات أكبر من المناشدات التي يستجيب لها.
وتابع الرئيس السيسي، قائلًا: “أتمنى إن إحنا كلنا نبقى عارفين إن اللي هيخفف عن حد ربنا هيخفف عنه”.
واختتم الرئيس السيسي، حديثه قائلًا: “والله ربنا وحده اللي يعلم إن إحنا بنعمل كل ده مع الناس كلها عشان ميكنش فيه حد محتاج أو محووج، إحنا ظروفنا صعبة أوي”، مطالبًا بالدعاء لمصر قائلًا: “خلوا الناس الطيبة تدعي إن ربنا يفرجها علينا.. ولما يفرج علينا هنفرج على الناس كلها مش هنسيب حد”.
