“بعد عودتها من الحج”.. دعاء فاروق رداً على منتقدي ملابسها: «محدش يحشر نفسه في الفتحة اللي ظهرت بالرقبة»
قامت الإعلامية المعروفة دعاء فاروق، بالرد على الهجوم الذي تعرضت له خلال الفترة الماضية، بسبب ملابسها بعد عودتها من الحج، حيث ظهرت بفستان سواريه ومرتدية حلق كبير باللون الفضي، الأمر الذي عرضها لبعض الإنتقادات من قِبل الجمهور.
"بعد عودتها من الحج".. دعاء فاروق رداً على منتقدي ملابسها: «محدش يحشر نفسه في الفتحة اللي ظهرت بالرقبة»
وحرصت الإعلامية، على توضيح الأمر من خلال حسابها الرسمي على موقع التواصل الإجتماعي “انستجرام”، وعلقت:ـ “ربنا خلقني برقبة وهى تحت الإيشارب، وكمان في إيشارب موجود ملفوف حولين الرقبة.. في إيشارب ملفوف حولين الرقبة ولا لأ؟”.
وواصلت دعاء:ـ “أنا طول عمري قدامكم ولابسة التلبيسة ولا لأ؟، وهو في مرة من المرات غيرت طريقة اللفة، وحقيقي ياريت مفيش حد يحشر نفسه في اللي ملوش فيه، ومحدش يحشر نفسه في الفتحة اللي ظهرت بالرقبة، وعيب أوي لما ست تخش عند ست زيها وتقول الرقبة، وهو أنا حبيت أبين شكل الرقبة؟.. يعني ينفع تروحي للجزار وتقولي له عاوزة رقبة فيديكي حتة رقبة صغيرة مثلاً”.
وتابعت الإعلامية:ـ “وعلى فكرة أنا مش بدافع عن نفسي، ومش موضوعي خالص ومش فارق معايا مين الشخصية اللي بتهاجمني، وكل اللي بعلق عليه الإنتقادات اللي اتعرضت ليها وبس”.
وأنهت دعاء فاروق حديثها:ـ “وبجد عيب أوي إنكم تقللوا من قيمة الحج، وده علشان هو ركن كبير من أركان الإسلام.. عيب إن واحدة تدخل تقولي إنتي طالما حجيتي تبقي قدوة، وهو أنا مش قدوة ولا القدوة عندكم دلوقتي بقت بالهدوم”.
وجديراً بالذكر، بأن الإعلامية دعاء فاروق شاركت جمهورها مؤخراً بمقطع فيديو من على جبل عرفات، عبر حسابها الرسمي على “انستجرام”، وقالت باكية:ـ “يارب إغفر لي وسامحني”، ودعت لجمهورها ومُحبيها أن يرزقهم الله حج بيته الحرام، وأن تعود للحج والوقف على جبل عرفات مرة أخرى، كما دعت للطلاب بالنجاح والتفوق وأن يرحم الله موتانا ويشفى مرضانا.
