قامت الإعلامية المعروفة بسمة وهبة، بالهجوم على تجار اللحوم بسبب ارتفاع الأسعار، وتحديداً قرب حلول عيد الأضحى المبارك، وأشارت بأن أغلب التجار يتعمدوا استغلال الزبان، بعد القيام بوضع الماء والملح على العلف.
بسمة وهبة: «إوعى حد يتكسف وهو بيشتري ربع كيلو لحمة.. خليك على قدك وواثق من نفسك»
وقامت الإعلامية، بتوجيه الكثير من النصائح للشعب المصري، أثناء تقديمها لبرنامج “90 دقيقة” المذاع عبر فضائية “المحور”، حيث قالت:ـ “أوعى حد يتكسف وهو بيشتري ربع كيلو لحمة.. خليك على قدك وواثق من نفسك، ووفقاً للإحصائيات اللي جتلي إن مفيش إقبال على شراء الأضاحي السنة دي، وطبعاً ده بسبب ارتفاع الأسعار بالطريقة الجنونية اللي بنشوفها”.
وواصلت بسمة:ـ “في ركود في الأسواق، وده بسبب اتفاع الأسعار اللي وصل فيها كيلو اللحمة لحوالي 175 جنيه، ووصل سعر العجل إلى نحو 90 ألف جنيه، وطبعاً كل ده بسبب طمع وجشع أغلب التجار.. ارحموا الغلابة شوية حرام”.
وأنهت الإعلامية:ـ “وياريت مفيش تاجر يقول الدولار والعلف، وده علشان أغلبكم بيقعد يسمن الخروف بتاعه، ومش بس كده كمان بيحط مية وملح على العلف، وده علشان تعرف تضحك على الزبون.. يا كدابين يا غشاشين”.
وجديراً بالذكر، بأن الإعلامية بسمة وهبة أثارت الكثير من الجدل بعد تصريحاتها حول طلاق الفنانة جوري بكر، وأكدت من خلال فيديو قامت بنشره توضح فيه بأن طلاق الحامل لا يجوز.
وعلقت:ـ “الفنانة جوري بكر لما نزل خبر طلاقها أنا عملت فيديو مش عشان التريند، ولكن ده علشان وأنا في السعودية من كام سنة سمعت شيخ بيقول إن طلاق الحامل لا يقع، ونشرت الفيديو ده خوفاً عليها وحباً في الخير، وساعتها الدنيا اتقلبت عليا والناس قالت إني عاوزة أعمل تريند وخلاص”.
وتابعت الإعلامية، خلال برنامجها “90 دقيقة”:ـ “وفي مشايخ كتير من الأزهر بعتولي يأكدوا على كلامي، ومشايخ تاني من الأزهر بردوا قالوا إن الكلام ده مش صحيح، وأنا مش متخصصة علشان أصدر فتوى في الدين، ولكني نصحتها يمكن ترجع عن قرارها وبس”.
