كشفت الفنانة أيتن عامر، عن كواليس فيلم “عمهم” الذي قدمت فيه دور البطولة النسائية أمام النجم محمد إمام، وعرض في موسم أفلام عيد الأضحى لعام 2022.
أيتن عامر عن فيلم "عمهم": قولت للسبكي هعملهولك هدية ومش عايزة جنيه
حيث قالت عن المنتج أحمد السبكي، خلال لقائها مع برنامج “ET بالعربي” الذي يعرض عبر قناة “MBC4”: “بيقعد يقولي أنا مفيش حد عمل معايا اللي أنتي عملتيه.. لإن هو لما كلمني كان عارف أجري كام كويس أوي وأنا نزلت له كتير جدًا أكتر من 50 %”.
وأضافت: “أنا مقتنعة إن كل مشروع بيبقى له ظروفه.. ممكن مثلًا أروح مشروع زي فيلم (عمهم).. روحت لعم أحمد قولته أنا هعملك الفيلم ده هدية مش عايزة ولا جنيه وده حصل فعلًا”.
وتابعت: “ده حصل فعلًا واسأل في هذا عم أحمد السبكي.. الراجل ده أنا بحبه جدًا وربنا يعلم يعني علاقتي بيه عاملة إزاي ومهما أنا وهو نبقى عاملين زي القط والفار بس في الآخر أنا بحترمه جدًا”.
وتطرقت أيتن، للحديث عن فيلمها الجديد “مندوب مبيعات” المقرر عرضه قريبًا في السينمات، قائلة: “عجبني فيه الدور اللي أنا بعمله سيدة أعمال شاطرة بدخل في شغل مع أستاذ بيومي فهو بيعجب بيا وبيفضل يطاردني”.
وعن تعاونها مع الفنان بيومي فؤاد، قالت أيتن: “أستاذ بيومي أستاذ عظيم وصديق غالي وأخ كبير بعتز جدًا بصداقته.. والحقيقة إن أنا سعيدة جدًا بالتعاون معاه في أي حتة بشتغلها لما بس بسمع إن هو موجود أنا بفرح”.
فيلم “مندوب مبيعات” بطولة: أيتن عامر، وبيومي فؤاد، وأحمد فتحي، وهبة عبد العزيز، وإسلام إبراهيم، وأيمن قنديل، من تأليف وإخراج: حامد صلاح.
