“في عيد ميلادها الـ 70”.. عارفة عبدالرسول: «لسه مشبعتش تمثيل والنهاردة هقضي ليلة من أجمل ليالي العمر»
قامت الفنانة عارفة عبدالرسول، اليوم 19 من شهر فبراير بالإحتفال بـ عيد ميلادها الـ 70، حيث أنها أعربت في تلك المناسبة السعيدة عن مدى حبها للفن ورغبتها الشديدة في عدم تركه والإبتعاد عنه على الرغم من سنها الكبير، وأشارت بأنها تمتلك الكثير من أجل الفن ولم تكتفي بما قدمته طوال السنوات الماضية.
صور مجمعة للفنانة عارفة عبدالرسول من أعمالها الفنية، تم تعديلهم ودمجهم بواسطة نجوم مصرية.
وأكدت الفنانة، خلال منشور كتبته عبر حسابها الرسمي على موقع التواصل الإجتماعي “فيس بوك”، موضحة: “من أول شهر فبراير وأنا في حالة نفسية يرسى لها الصراحة، وده علشان الشهر ده هقفل الـ 70 سنة إن شاء الله.. يانهار أسوح بقا ده معقول يا راجل لسه مشبعتش تمثيل.. طب هقدر أكمل وأنا في السن ده؟”.
وواصلت عارفة: “على فجأة كده هقضي ليلة عيد ميلادي.. إنت واخد بالك يا راجل.. حقيقي ليلة من أجمل ليالي العمر كله، وكأنها إشارة إنه لأ لسه بدري وهتقدري..أيه إن شاء الله هقدر وهقدر.. أنا مش قصيرة أنا طويل وأهبل”.
وجديراً بالذكر، بأن الفنانة عارفة عبدالرسول كانت حريصة أمس على حضور حفل “ليلة سعودية مصرية”، بجانب مجموعة كبيرة من نجوم الفن والمشاهير بمصر والمملكة العربية السعودية.
وقالت الفنانة خلال الحفل: “أنا أكيد مبسوطة أوي إن في حفل مشترك يجمع بين مصر والسعودية، بجد أمر مُشرف للغاية وحاجة حلوة، وأنا في غاية السعادة لما تلقيت دعوة لحضور هذا الحفل الرائع، وده علشان أنا بحب المستشار تركي آل الشيخ أوي، وده لأنه بيحب الفن المصري وبيعشقه، وأي مطرب مصري بيغني في المملكة أو في أوروبا فهو في الأول والآخر مصري بيشرف بلده، وأنا بحب تركي لأنه بيحب المصريين كلهم”.
