حسن شاكوش عبر التيك توك:«بقرف افتحه بسبب الأشكال دي والفلوس مش كل حاجة هتقولوا أيه لولادكم»..فيديو

شن المطرب الشعبي حسن شاكوش، هجوما حادا على مقدمي المحتوى على منصة “التيك توك”، وكذلك منصات التواصل الاجتماعي الأخرى، بسبب ما أسماه بـ”تدنى المحتوى”.

ونشر حسن شاكوش، فيديو على حسابه على “فيس بوك”، مؤكدا خلاله أنه “بيقرف من الحاجات الغريبة اللي بشوفها على التيك توك”.

وقال “شاكوش”:“ الواحد بقى بيشوف حاجات غريبة على التيك توك والموضوع بقى مقرف جدًا الصراحة، حتى التيك توك اللي كنا بنحب نتفرج عليه علشان يهون علينا ونشوف حاجات تضحكنا”.

واستمر صاحب أغنية “بنت الجيران” في هجومه على مقدمي المحتوى بأنه ما يقدموه البعض على التيك توك ما هو إلا “عبط وهبل” قائلا:”العيال اللي بتعمل تحديات ولايفات واللي بيحمي نفسه بالشطة واللي تبهدل نفسها أيه الهبل اللي انتوا فيه ده”، مؤكدا على وجود شخصيات محترمة تقدم محتوى جيد، ولكن حديثه يخص بعض مقدمي محتوى لا يليق على منصات التواصل الاجتماعي.

واستطرد:”فيه ناس بتقدم محتوى كويس وهما كتير وانا بستفيد منهم شخصيا ولكن كلامي للناس اللي بتقدم قرف وبقولهم اعملوا حاجة تفيد الناس ولو محتاج فلوس اعمل حاجة تفيد الناس علشان عيالك لما يكبروا يشوفوك بتقدم محتوى هادف”.

وأختتم حديثه:”ولادكم لما يكبروا ويشوفوكم بتقدموا محتوى بالشكل ده هيشوفكوا شاب هايف أو ست تافهة، أزاي هتقدروا تقولولهم وقتها اعملوا ده ومتعملوش ده والفلوس مش كل حاجة ده قرف وانا بقيت أكره افتح التيك توك بسبب الأشكال دي “.

https://www.facebook.com/hassan.m.shakoch/videos/2351037898389302