تامر أمين ينتقد محمد رمضان بسبب ظهوره عاريًا في حفل الساحل:”ليه في كل حفلة لازم أقلع، هو القلع كيف عندك؟” | شاهد بالصور
انتقد الإعلامي المصري تامر أمين تصرفات الفنان محمد رمضان في حفل الساحل الشمالي الذي قدم فيه الكثير من أغانيه، وذلك بسبب أنه ظهر على المسرح وهو شبه عاري، وكان قد تحدث فيها تامر أمين من قبل.
وقال تامر أمين: “ليه في كل حفلة لازم أقلع، هو القلع كيف عندك؟، اللي يعمل كده شخص صغير أو مش معروف، عايز يعمل تريند أو حاجة شاذة علشان الناس تشاور عليه ويتعرف، لكن لما تبقى من أهم وأشهر النجوم، ومن أكثرهم نجاحا وأكثرهم ألمونيا يعني فلوس، لازمته إيه الإثارة وأفعال تسبب لك الانتقادات، إلا إذا كان كيف”.
وتابع أمين: “إتكلمنا في الموضوع قبل كده، ونقابة المهن الموسيقية قالت كده غلط وطلعت عقوبات عليك، وأعتقد بعض الفنانين التزموا ووقعوا إنهم مش هيطلعوا كده على المسرح، هل عندك حساسية من القمصان أو مشكلة مع التيشرتات؟”.
على صعيد آخر، يعرض للفنان محمد رمضان فيلم ع الزيرو في السينما حالياً، ويحقق نجاح قليل في السينما.
