قام الملحن المصري عمرو مصطفي بالتعليق على رأي الفنان تامر عاشور بمقابلة سابقة له، حيث قال عمرو أن الصناعة الموسيقية بمصر انهارت بشكل كبير الأمر الذي استنكره تامر.
وفي برنامج “حبر سري” الذي تقدمه المذيعة أسما إبراهيم بقناة القاهرة والناس، عرضت فيديو لرأي تامر عاشور في هذا التصريح في حضور عمرو مصطفي، وقال تامر عاشور: “طول الوقت عندنا فنانين كتير، يصعب عليا حد مصري، يقول انهارت، طب ما انت في الصناعة وعمود من عمدان الصناعة”.
وبعد إنتهاء الفيديو قامت أسما بتوجيه حديثها لـ عمرو، قائلة “تقر إن الموسيقى محققة نجاح وكلامك مش صحيح زي ما بيقول تامر عاشور”.
ليعلق عمرو مصطفي تعليق صادم قائلاً: “يا تامر فيه أغنية عملتها لمصطفى صندل التركي، انت أخدت اللحن والتوزيع الموسيقي ونزلتها أغنية ليك، وكتبت عليها اسم ملحن تاني، وانت المفروض جوة الصناعة، اللي بينتجوا الأغاني بيسرقوا الأغاني والألحان، هل ده مش معناه إن الصناعة اتدمرت، هل وجود المهرجانات وصورتنا برة مصر واختفاء الناس الكويسة ده يرضيك”.
وتابع حديثه قائلاً: “مش هعتب عليك إنك أخدت الأغنية بس انت مثل من الأمثلة اللي استباحت الجمل اللحنية لأشخاص موجودة وحية، مش هرد أكتر من كده”.
وأختتم حديثه: “خدته بشكل شخصي لإني قابلته قبل كده وقلتله لما تحب تقول حاجة تعالي قولهالي، وعشان أنا عمود من أعمدة الصناعة المفروض يستأذنني في الأغنية اللي اخدها من غير ما يقول اسمي فيها، وكان المفروض يشيلها لما عرف إنها لحني، ملقتش أي احترام للموضوع، أعتقد لازم تراجع نفسك تاني لما أقول الصناعة انهارت، وزي ما انت بتقول أنا عمود من الأعمدة يبقى انهارت فعلا”.
