أول تعليق من الرئيس السيسي على قرار إزالة مقبرة طه حسين

بث الموقع الرسمي الخاص برئاسة الجمهورية، مقطع فيديو عن جولة الرئيس عبدالفتاح السيسي التفقدية لعدة محاور وطرق بالقاهرة الكبرى، وقال رئيس الجمهورية الرئيس عبدالفتاح السيسي،” إن مصر قامت بتحرير وتيسير الحركة في شرق القاهرة، ثم انتقلنا لرمسيس وباب الخلق وشبرا الخيمة، وقولنا هنحاول نسهل الحركة في القاهرة شرق وغرب، “اللي هو بنعمله دلوقتي في الهرم والجيزة والشيخ زايد”.

الرئيس السيسي

قرار إزالة مقبرة طه حسين

كما قال الرئيس السيسي: “بنعمل كده عشان حجم الحركة داخل الكثافة السكانية، بحيث اللي يخرج يخرج بسرعة يقلل الضغط على المنطقة السكنية مع الوضع في الاعتبار أن إحنا مش ساكتين”.

وأشار السيسي: إلى ما يم إجرائه في شارع 9 بالمقطم، قائلًا: “أنا عارف أنو الوضع صعب أن إحنا نشيل حاجه فيه، ولكن على الأقل نحسن المساحة فيه، ثم بعد كدة لما نخلص محور ياسر رزق والكورنيش، وبالمناسبة أنا سعيد جداً أن أنتوا بتعملوا تكسيات الخرسانة دي عشان الانهيارات بعد كده رغم إن دي تكاليف كبيرة جدًا”.

وتابع الرئيس السيسي: “أي حاجة بنعملها هنا بنعملها على أعلى مستوى، عشان في النهاية، نقلل التلوث عن الدولة، ومصر اشتغلت في المشاريع دي من بدري جدا، ومئات الكباري والطرق اللي بتتعمل في كل حتة في القاهرة عشان نقلل الزحام بتاع الـ 20 مليون بالمنطقة.

واختتم الرئيس السيسي حديث، قائلاً: “أن الهدف الأساسي من تأسيس تلك المحاور، تقليل الحركة، ويهمني أقول لكل الناس اللي بتسمعني اللي ليهم تواجد على محور الحركة سواء كانت مقابر لشخصيات إحنا بنحترمها ونقدرها، أو ذات آثر تاريخي، أنا بقول الكلام ده عشان الكلام ده أنا بشوفه وبسمعه، بيقولك هيشولوا المقبرة بتاع فلان، لا يمكن أبدا نشيل أماكن أثرية أو مقابر لشخصيات بنحترمها ونقدرها بنعالج ده بكباري، ومش عايزين ندي حد الفرصة يشوه اللي إحنا بنعمله”.