هجوم حاد على على الفنان وجدي العربي بعد شماتته في موت إبن الفنان حسن يوسف، وذلك بعد نشر وجدي العربي عبر فيسبوك منشور يتحدث فيه بكل جحود وسخرية عن موت عبدالله حسن يوسف.
"أخويا سود وشنا" هجوم كبير على وجدي العربي بعد شماتته في موت نجل الفنان حسن يوسف
تفاصيل القصة
نشر وجدي العربي من خلال صفحته الشخصية بفيسبوك منشور وكتب به: “إبن حسن يوسف مات غرقاً في الساحل الشمالي، وزي ما بيقولوا كده عليه فاكهة العائلة، أنا مش هقدر أشمت لأن موت الابن أو الابنة أسوأ ما يحدث من ابتلاء في الدنيا، فما بالك بقى لما يكون ابن عمرك والفتى المدلل في الأسرة؟” وأكمل حديثه بكل سخرية وقال “بس لازم أفكر أبيه حسن وهو في مقام أخونا الكبير لإنه إبن أبويا وتلميذه بفكرك يا أبيه حسن، إن فيه أسر مات فيها أولادها شهداء ومنهم الابن الوحيد، والابنة الوحيدة، يعني ما مفيش غيرهم في الأسرة، أنا بس بفكرك إن ربنا أراد في السن ده إن يموتلك شاب، زي بالظبط الدكتور بديع والبلتاجي وقيادات الإخوان، بس إبن الدكتور بديع مات من أجل القضية ومن أجل حرية، لكن ابنك مات وهو مستمتع بحياته على أنقاض شباب كتير قوي دفعوا حياتهم، ثمن العقيدة وحرية شعبه ووقوف أمام حاكم ظالم كنت إنت واحد من إللي أيدواه وفي غيرك كتير وياما لسه هنشوف ونسمع الموت قريب مننا ومن ولادنا، لكن المهم إنت هتموت على إيه؟ وولادك هيموتو على إيه؟ وعقدتهم ايه؟ وعند الله تجتمع الخصوم”.
تعليقات غاضبة على منشور وجدي العربي
بعد أن كتب وجدي العربي هذا المنشور انهالت عليه تعليقات كثيرة جدًا منهم:
- لا حول ولا قوة إلا بالله واللهم لا شماته.
- لكن كتبت أحد المتابعين وقالت “كل ده مش شمتان؟ أمال لو كنت شمتان كنت عملت فيه إيه؟ ما تعرفش يا أخي تقول البقاء لله وتسكت اسكت يا أخي، مينفعش تواسي زميلك في اللي هو فيه وتسكت وخلاص”.
- وأحد التعليقات كانت “ده إنت فاجر وقادر كل ده ومش شمتان، وربنا يصبرهم ويعوضهم ويبتليك في أعز ما عندك، اللهم ارحمه واغفر له ويصبر والديه ويلطف بيهم وهو كل من فقد عزيز عليكم”.
كذلك هناك تعليقات كثيرة جدًا مستاءة منه ومن طريقة كلامه حيث أن هذا الوقت ليس مناسب لهذا الكلام.
تعليق شقيقة وجدي العربي ” ألفت العربي”
شقيقة وجدي العربي “ألفت العربي” كان لها رد فعل قوي على هذا الكلام، حيث ذكرت من خلال تصريح في برنامج 90 دقيقة مع الإعلامية بسمة وهبة “أخويا باع وطنه وناسه ومصر ترابها ده نتكحل بيه، أنا أصلا معتبرة وجدي العربي مش أخويا، ومتبريه منه، وهو سود وشنا أمام العالم، كنت أتمنى أن يكون الهارب وجدي العربي عنده شوية دم ويرسل برقية عزاء للفنان حسن يوسف بدل البوست الحقير اللي كتبه”.
هجوم الأعلامية بسمة وهبة على وجدي العربي
شنت الإعلامية بسمة وهبة هجوم كبير جدًا على وجدي العربي وقالت من خلال برنامجها 90 دقيقة “أبوه كان راجل محترم وهو الحاج عبد البديع العربي راجل سريته عطرة، ولو كان عايش كان أدالك 100 قلم على وشك، بسبب حالة الاستنكار والخيانة ضد بلدك، وجهلك بالدين يا جاهل” كما قالت “أنت هارب وجبان وجاهل وخسيس، ما عندكش دم ولا ولاء لبلدك أو دينك، فعز وجع الناس على فراق عبدالله، وفي وسط المشهد ده لقينا الهارب الجاهل الجبان الخسيس شمتان في موت عبد الله حسن يوسف، وده اللي أخته كان بتقول عليه كان بيجيله دعم وفلوس كتير جدا وطبعا كلنا عارفين الفلوس دي كانت بتجيله منين؟ جاي دلوقتي تشمت في موت شاب لا وإيه ده ابن زميلك حسن يوسف”.
رد فعل وجدي العربي بعد الهجوم عليه
وبعد الهجوم على وجدي العربي ظهر مرة أخرى يقول “للأسف أنا مش فاهم أنا اللي فشلت إني أوصل لكم اللي عايز أقوله ولا الناس هي اللي مش عايزة تفهم يا جماعة قبل ما حد يتكلم ويعلق يحط نفسه مكان دكتور بديع والبلتاجي ودكتور أحمد عبد العزيز ومحمد أبو شايع والشيخ هاشم وغيرهم كتير من اللي فقدوا فلذات أكبادهم قبل ما تقعد تنتقد البوست، حط نفسك مكاني، الناس دي وتعالى أتكلم”.
