رساله مكتوبه بالدم من والد الطفله مرام مقلد التي ماتت بسبب عملية اللوز

الطفله مرام محمد مقلد انتقلت روحها إلى بارئها وتركت الاب والام يعتصرهم الحزن والالم من الفاجعه التي افقدتهم اعز ما يملكون مرام عصفورة الجنه التي تدرس في المرحله الابتدائية يروى الاب قصته كما هى ويقول بحرقة قلب على فقيدته الغاليه وفي رسالته لكل الاباء والامهات

حكايه موت عصفوره الجنه مرام
ماتت مرام ماتت زهرة عمرى وحياتى ماتت الدنيا كلها بفراقك يا جنتى ونعيمى
ولا نقول الا ما يرضى ربنا أن لله وان اليه راجعون
يوم الأربعاء الماضى ذهبنا لاجراء عمليه اللحميه عند دكتور في عياده خاصه ونحن بالعياده سالته هتعمل اللوز كمان قإلى لما ادخل واشوف الوضع ايه قولته اللى انت شايفه اعمله انت الدكتور وسالنى هى بتلتهب قولته انها بتاخد وتيدى عادى قإلى لما نفتح واشوف دخلت العمليات حوإلى 35 دقيقه وخرجت وعملها اللوز كمان سالناه ايه الاجراء رد وقال لمامتها الدلع ممنوع تاكليها غصب عنها أول يوم ايس كريم ومثلجات واعملى حسابك حتبقى فيه حراره وكحه وترجيع وتقولك زورى بيوجعنى موش عاوزه اكل اكليها غصب عنها وكتبلها مضاد حيوى 500 مع بروفين كل 6 ساعات بس يوم الخميس اتصلت بيه وقولتله مرام سخنه 38 درجه ونصف وبعملها كمادات قإلى كمادات لا اديها البروفين وبس يوم السبت اتصلت بيه تانى يا دكتور فيه حراره وكحه جامده نيجى لحضرتك رد وقال ميعادنا الثلاثاء وادوها برونكفين شراب والأحد يوم الفاجعه السابعه صباحا بجهز علشان اذهب لمدرستى سمعتها كحت وصوت امها الحقنى ونافوره دم من فمها كانك دبحت خروف خرج دمه دفعه واحده خدتها وجريت الصاله ادروخت منى في خلال 5 دقائق وصلنا المستشفى العام (بالسياره وانا بجوار المستشفى موش بعيد) بس قبل ما نوصل المستشفى زوجتى قالتلى مرام ماتت بس مصدقتش ودخلنا المستشفى الدكاتره اتلموا عليها والتمريض ومن خلال الباب متوارب شايف الدكتور بيضغط بكفيه على صدرها والقلب لا بستجيب ويعطوها في حقن ومحاليل وكل منسال حد خارج من جوه يقول بنحاول معاها بس الساعه حوإلى 8 بلغونا الخبر انهرت وقولت للدكتور ليه ماتت ليه قإلى ده من جرح العمليه ولكن لما زوجتى صوتت وقالت عاوزه الكلام ده رسمى الدكتورخاف وراح للامين الشرطه اللى في المستشفى وقالوا اعمل محضر رسمى ومعتش رضا يتكلم( واتنازلت في النيابه عن اى اتهام للدكتور علشان مرام متتدخلش التلاجه وتتشرح من الطب الشرعى وده طبعا بعد ما خيرونى عاوز تتهم الدكتور يبقى لازم البنت تتشرح قلبى مطوعنيش أن بنتى تتقطع أو تتنازل ونخلص اجراءت الدفن) ووانا جنب بنتى في عنايه الطوارئ استحلفت الدكتور وعرفته انى اتنازلت رسميا. انه يقولى الحقيقه قإلى اما أن فيه وريد أو شريان متقفلش صح في الجراحه ونزف لحد مانفجر أو ميكروب اصاب الجرح وكان مسبب الكحه والسخونيه وبسبب الميكروب ده عمل تالكل للجرح لدرجه الانفجار فدفع بدم البنت كله مره واحده وتسبب في الوفاه
اشهد الله اشهد الله اشهد الله لم ازود شيءعلى اللى حدث ولم اخفي شيءا
وفي النهايه ادعو الله الا يجرب على احد ما انا فيه
ويعلم المقربون والاصدقاء أن مرام كانت هوايا ونفسى ونبض قلبى واشهد الله انى راضيا بقضاءه

هكذا كانت رساله الاب الذي فقد اعز ما يملك ابنته الغاليه مرام نسأل الله أن يرزقهم الصبر والسلوان وان ينتقم في من تسبب لهم في ذلك الالم