ياسمين عز: الراجل يبات ظالم يبات مظلوم مش مهم.. المهم يبات متعشي

تحدثت الإعلامية ياسمين عز، خلال حلقة أمس الجمعة من برنامجها “كلام الناس” الذي يعرض عبر قناة “MBC مصر” عن السخرية من الرجل واعتباره محور الكون.

ياسمين عز: الراجل يبات ظالم يبات مظلوم مش مهم.. المهم يبات متعشي

حيث قالت: “اكتشفت حاجة إن طول الوقت بتتريقي على الراجل وتقوليله يا محور الكون.. أو تقولي مثلًا انتوا بتتكلموا عن الراجل ليه هو محور الكون طب ما هو فعلًا محور الكون.. هو محور الكون والكائنات إيه رأيك؟”.

وأضافت: “بفتح اليوتيوب وأنا في الإجازة لقيت كم فيديوهات معمولة في الدنيا وفي السنين عن الراجل بس مفيش عن الست.. خد عندك بقى كيف أجذب عريسًا.. كيف تحببي الرجل فيكي.. كيف أتعامل مع الرجل النرجسي.. كيف أتعامل مع الرجل الحمصي.. كيف أتعامل مع الرجل المشمشي.. إزاي أخلي حبيبي يحبني لوحده ويسيب أمه.. إزاي أسيطر على جوزي.. إزاي أخلي جوزي ما يرفضليش طلب.. إزاي أندمه عليا.. إزاي أنتقم منه.. كل الفيديوهات والدراسات والمحاضرات عن الراجل الغلبان الشقيان الفرعون الصغير الكبير.. عمري ما شوفت فيديوهات عن راجل مثلًا بيقول مثلًا إزاي أسيطر على مراتي.. أو مثلًا واحد بيسأل في برنامج إزاي أخلي مراتي تحبني.. لأ طبعًا هو غلبان مش بتاع تفاصيل.. أو إزاي أخلي مراتي تهتم بيا زي ما بتهتم بأهلها مثلًا.. طبعًا مفيش الكلام ده يا حرام لإن هو أقصى طموحاته كوباية الشاي وريموت التليفزيون وينام متعشي.. أقصى طموح الراجل في الدنيا”.

وتابعت: “بمناسبة إن الراجل ينام متعشي ويبات متعشي الراجل يا حبيبتي يبات ظالم يبات مظلوم مش مهم.. المهم يبات متعشي يا مدام.. فطول الوقت الكلام عنه نعمل فيه نسوي فيه.. طب ما نتكلم عنك شوية”.