كشفت الفنانة زينة تفاصيل كثيرة عن كواليس مسلسل جعفر العمدة، واختيارها لدور “عايدة”، وعلاقتها بنجوم المسلسل خلف الكاميرا، فضلاً عن حياتها الشخصية والأسرية والأعمال التي تعكف عليها طول شهر رمضان.
زينة في مساء dmc
زينة: محمد رمضان مهذب في التعامل مع زملائه
وقالت الفنانة زينة خلال لقائها ببرنامج “مساء دي إم سي” الذي تقدمه الإعلامية إيمان الحصري،: “نجاح مسلسل جعفر العمدة يخض مكنتش متخيلة ردود أفعال الجمهور، ومحمد رمضان شخصية مهذبة ولذيذ في التعامل مع زملائه”.
زينة: “أنا رفضت مسلسل جعفر العمدة في البداية
وتابعت: “أنا رفضت المسلسل في البداية وقولت خلوني في عمل تاني، بس هما أصروا وقالولي اختاري الدور اللي انتي عايزاه ولو عايزانا نزودلك دورك، بس أنا كنت مقتنعة بـ عايدة وكنت عايزة أعملها في الوقت ده، كنت مفتقدة الشخصية الهادية اللي ملهاش في الشر عشان السنة اللي قبلها واللي قبلها كانت شخصياتي شريرة”.
وأضافت: ” كنت معزولة في أوضتي ومش بحتك بأبطال جعفر العمدة لأني بحب أركز مش بحب أضيع طاقتي في الكلام أو في حاجة غير الشغل لأني لو سبت نفسي للرغي والهزار مش هطلع حاجة، فلازم تحافظي على مود الشخصية”.
زينة: “رمضان من غير أبويا صعب أوي
وعبرت الفنانة زينة عن أجواء شهر رمضان والتي تفضل فيه عدم العمل من أجل التفرغ للطبخ والعبادة.
وحكت ذكرياتها مع والدها وهي تبكي، قائلة: “شهر رمضان من غير أبويا الله يرحمه صعب أوي، وهو كان بيعمل أكل حلو أوي، وكان بيعمل صينية بطاطس في الفرن والأرز وعصائر، وكان بيعمل العرقسوس في البيت، وكان بيعرف يطبخ كويس أوي مع إنه كان مهندس طيران إلا أنه من كتر ما كان بيحبنا اتعلم إزاي يعملنا أكل، ومش قادرة أقعد على السفرة من غير أبويا، ولا أملك إلا الدعاء له”.
واستكملت “أبويا كان إنسان مفيش زيه وعمري ما هوصل لشيء صغير من الخير اللي كان بيعمله، أنا بعمل كل حاجة بحب علشان أبسط اللي حواليا، ومش بحب حد زعلان، عايزة لما أمشي أسيب ذكرى حلوة في حياتي للناس القريبين وما يهمنيش الناس الأشرار خالص”.
