في مداخلة هاتفية له مع برنامج “اللعيب” الذي يقدمه الإعلامي الرياضي مهيب عبد الهادي، تحدث المهندس عدلي القيعي، رئيس شركة النادي الأهلي لكرة القدم، مع المحلل الرياضي رضا عبد العال، نجم الأهلي والزمالك السابق.
تفاصيل أول مواجهة على الهواء بين عدلي القيعي ورضا عبد العال
حيث قال مقدم البرنامج موجهًا كلامه للمهندس عدلي القيعي: “كابتن رضا عبد العال النهارده مش عايز أقولك مدى فرحته بعد الهدف وبعد إطلاق الحكم صفارة النهاية”، ليرد عليه قائلًا: “عايز أقولك حاجة بقى محدش يعرف كابتن رضا ده قدي وسيبك م الكلام كل اللي بيقوله ده هوا.. هو من جواه بيحب يفرح للأهلي بس بيعند هو كابتن رضا طول عمره كده يتميز بإن مواقفه لوحده كده في دنيته بس فيها خفة دم وإحنا يعني بنقوله يا كابتن رضا.. أنا النهارده بقلب في الصور اللي عندي تصور طلعت لي صورتي معاه وأنا ماسكه كده أول تمرينة له في الأهلي ورجعت بينا الأيام.. من ورا قلبه أنا عارف كل الدعابات اللي بيعملها دي من ورا قلبه”.
ليدافع رضا عبد العال، عن نفسه قائلًا: “الحاجات اللي أنا بقولها دي ببقى عايز النادي الأهلي يستفاد منها فنيًا الناس بتاخدها العكس إن أنا ضد النادي الأهلي”.
ليرد القيعي، عليه قائلًا: “كابتن رضا أنا عارف إنك بتحب تروح لحاجات لوحدك كده فيها عمق محدش يعني يقدر يوصل لها بس ساعات كده لما بتقفش في رأي معين.. تمسك في لاعيب معين مالوش عازة عندك.. أنا شوفت الكابتن رضا وتأثره ودموعه وهو بيجي النادي الأهلي وأنا عارف إن ده كان مخلص للنادي الأهلي”.
