كشف الفنان المعروف يوسف فوزى، عن تفاصيل إصابته بمرض شلل الرعاش، وأكد على أنه بعد أن قدم دور الطبيب المُصاب بمرض شلل الرعاش في المسلسل الشهير “أُوبرا عايدة” أصيب بعدها بعدة سنوات بالمرض.
بعد تصدره التريند.. تعرف على السبب الحقيقى وراء إعتزال يوسف فوزي الفن
وأكد الفنان، أثناء استضافته ببرنامج “واحد من الناس”، والذى يقوم بتقديمة الاعلامى الشهير عمرو الليثى، والذى يُذاع من خلال قناة “الحياة” قائلاً:ـ “وأنا بقدم دورى في مسلسل (أستاذ ورئيس قسم) الفنان عادل إمام لاحظ إيدى وأنا بحطها في جيبى وهى بتتهزز جامد، ولكنه لم يعرف أننى مُصاب بمرض الرعاش، وكمان هو مطلبش منى إنى أعتزال زى الناس ما بتقول، وأنا اللى أخدت القرار ده بعد المسلسل الشهير (ولى العهد)، وده علشان الفترة الأخيرة الكل كان بيطلب منى إنى إيدى متتهزش، وبصراحة أنا مكنش ينفع أكمل بالشكل ده”.
وأضاف الفنان:ـ “وبعد ما إعتزلت تفرغت لتربية ابنى عمر، وده علشان هو كان مُصاب بنوع من أنواع التوحد الخفيف أوى، ولما قرأت عن مرض عمر إتضح بأنى كنت مُصاب بنفس المرض، وكمان زوجتى ساعدتنى في مرضى، وعلى فكرة أنا كنت رافض الظهور في أى برنامج علشان مش عاوز حد يقول إنوا بيستعطف الجمهور”.
وتابع يوسف:ـ “ناس كتير سألت عليا، وكتير من الفنانين أبرزهم (محمود قابيل، الراحل عزت العلايلى، الراحلة شويكار، الفنانة رجاء الجداوى) وغيرهم، وأنا بعذر اللى مسألش عليا لحد دلوقتى علشان الكل مشغول في حياته ومشاكله”.
وأنهى الفنان حديثه:ـ “أنا أُصيبت بمرض السرطان، ولكن كان في المراحل الأولى، والحمد لله عملت جراحة وخفيت منه، وكمان أُصيبت بنزيف في المخ بسبب وقوعى على الأرض، وبردوا الحمد لله كان نزيف خارج غشاء المخ مش جوه، وفى النهاية أنا بحمد ربنا على قضاءه وصابر على ابتلاءه دائما”.
