سلوى خطاب عن أسباب عدم إنجابها: أنا معنديش خلق أقعد أربى العيال وكمان الموضوع ده مش عاجبنى

صرحت الفنانة المعروفة سلوى خطاب، عن أسباب عدم رغبتها في إنجاب الأطفال، وذلك أثناء لقاءها بالاعلامية ياسمين عز، والتى تقوم بتقديم برنامج “كلام الناس”، والذى يُذاع عبر فضائية “mbc مصر”.

سلوى خطاب عن أسباب عدم إنجابها: أنا معنديش خلق أقعد أربى العيال وكمان الموضوع ده مش عاجبنى

وعلقت الفنانة قائلة:ـ “ده قدر من عند الله.. بس يمكن ربنا عارف حالتى، وبجد انا مش فاهمة يعنى إيه أخلف أطفال ومتحملش مسئوليتهم.. أجيب أولاد يبقى لازم أتفرغ ليهم وبس.. أنا هربى.. طب ربيت كويس أوى بيقى لازم أنسى شغلى، وكمان أنا خلاص كنت استهلكت في الجواز من كتر ما تفرغى له، وبعدين أتجوز تانى وأخلف تانى.. لأ.. طب ما أعلن إعتزالى أفضل، وده مكنش عاجبنى أوى.. كان عندى إحساس إنى لو خلفت هتعب في المجتمع ده، وده علشان في حاجات كتير مش عجبانى”.

وتابعت الفنانة:ـ “وكمان أنا مش فاهمة يعنى إيه تربية حديثة؟، وكمان أجيب أولاد يقرفونى.. يقولوا لأ نعمل ده ومنعملش ده، ونقول شنطة هدومك ياحبيبى وشنطة هدومك ياحبيبتى.. أنا أجيب ناس تتعبنى ليه؟”.

وأضافت:ـ “التربية الحديثة والجو ده مش بتاعى ومش عاجبنى، وكمان هوجههم يروحوا فين ويجوا من أين؟.. يروحوا مكان ما هما عاوزين، الحمد لله كان زمانى متنقلة بين الأقسام.. العيال عملوا فيا محضر.. أُمى ضربتنى بالطفاية، وبجد أنا مليش خلق، وهما مش هيفهموا مصلحتهم فين.. دا أنا لحد دلوقتى مش عارفة مصلحتى فين.. فما بالكم بالأولاد صعب عليا أوى.. الله يكون في عون الأُمهات والآباء”.

وأنهت حديثها:ـ “أنا معنديش نقطة ضعف.. الأطفال نقطة ضعف، والحنية دى هيبقى أمامها حزم قوى، وبعد ما أربيهم كويس جداً.. يطلعوا بعدها للمجتمع يسمعوا (أنتش وأجرى) ساعتها هعمل إيه.. مش هيبقى فيه تواصل”.

وجديراً بالذكر، بأن الفنانة سلوى خطاب شاركت بمسلسل “منورة بأهلها”، وشارك الفنانة البطولة كلاً من “غادة عادل، ليلى علوى، أحمد السعدنى، ناهد السباعى، محمد حاتم، باسم سمرة” وغيرهم الكثير من نجوم الفن.