حلت الفنانة صفوة ضيفة على الاعلامية أميرة بدر، والتى تقوم بتقديم برنامج “الترابيزة”، والذى يُذاع من خلال قناة “الشمس”، حيث تحدثت خلال اللقاء عن تفاصيل تعرضها للاكتئاب وخطوات دخولها عالم الفن وأيضاً عن عمليات النصـ،ـب والخيـ،ـانة التى تعرضت لها من قِبل مديرا أعمالها وزوجها الثالث على مدار 18 سنة.
وتحدثت الفنانة عن بداية حياتها وتعرفها على زوجها الثانى وقالت:ـ “كنت بشتغل سكرتيرة في أحد الشركات بالاسماعيلية، وكان أحد الزملاء على علم بطلاقى وطلب منى الزواج، ومن غير ما أفكر وافقت وعملى ساعتها فرح رائع وجاب لى شقة جميلة وخدنى ورحنا اسكندرية وقعدنا في مادة ليلى، ومن ساعتها عجبتنى أوى الأجواء وأخذت البدلة من الراقصة وفضلت ألح عليها علشان توافق إنى أشتغل راقصة وأدخل عالم الفن”.
وتابعت صفوة:ـ “زوجى الثانى كان مستعد يعمل أى حاجة علشانى، وكان دائماً حاسس بضعف أمامى، وده علشان هو كان عنده شبه إعاقة وشوية مشاكل نفسية، ولما طلبت منوا أشتغل بمجال الفن وافق على طول، ولو عاد بى الزمن مرة ثانية هشتغل بمجال الفن.. أنا دخلت بفلوسى مش علشان أخد فلوس”.
وأوضحت صفوة بأنها ندمت كثيراً عن مشاركتها في فيلم “هى فوضى”، وقالت:ـ “مش راضية نهائى عن الفيلم وجالى حالة إكتئاب شديد، وبعدت عن العمل نحو 5 سنوات وفكرت أكتر من مرة في الانتـ،ـحار، وأكتر مشهد ضايقنى بتاع الكوافير من الفنان خالد صالح، وممكن يكون ده كله حصل علشان أنا مفكرتش في حاجة أكتر ما فكرت إنى أشتغل مع خالد يوسف وبس”.
وتحدثت الفنانة خلال اللقاء، عن أنها تعرضت للضـ،ـرب والنصـ،ـب من زوجها الثالث والذى كان يعمل مدير أعمالها، وقالت:ـ “للأسف الشديد الضـ،ـربة كانت تمـ،ـوت مش تشل، وبعد ما إنفصلنا فوجئت إنى إتنصب عليا في 3 مليون جنية ومشاكل تهرب ضريبى، وعلى فكرة المحاسب بتاعى كان بيجيلى البيت ويقولى مفيش ضرائب، وكمان إتصدمت لما لقيت العربية بتعاتى متباعة ومفيش رصيد في البنك، وده علشان انا كنت عامله له توكيل عام، ولما كله ده حصل عيشت أسوء فترة في حياتى”.
