أثارت الراقصة المعروفة صافيناز، الكثير من الجدل خلال الساعات القليلة الماضية، بعد أن أعلنت عن أنها تواجه التحرش في حفلاتها من خلال البودى جارد الخاص، وأيضاً فرقة كبيرة مكونة من 25 شخص، وأشارت إلى أن 90% من الجمهور يحترمها ويُقدرها.
صافيناز: «عمرى ما حسيت إن حد عاوز يتحرش بيا أو حد مسكنى من حته»
وأكدت الفنانة، في تصريحاتها مع القاهرة 24 وقالت:ـ “بدخل شغلى ومعايا جارد شخصى، وكمان لازم يكون شاطر وبروفيشنال وبشتغل بفرقة مكونة من 25 شخص وكلهم رجالة.. كل الناس دى واقفة في ضهرى.. من الآخر محدش يجرئ يقرب منى”.
وأضافت الراقصة:ـ “هنا في مصر نظرة الرجال للراقصات بتكون مش كويسة، ولكن أنا الحمد لله 90% من جمهورى ناس محترمة، وبيحترمونى فوق الخيال وبيحبونى أوى، وحقيقى أنا مشفتش من جمهورى أى حاجة مش كويسة، وعمرى ما حسيت إن حد عاوز يتحرش بيا أو حد مسكنى من حته، وممكن أوى يكون حظى حلو”.
وأوضحت صافيناز:ـ “وأنا بتكلم مع الجمهور وبقولهم كلنا نفرح وإنتوا على راسى.. إتفرجوا بس، وأنا بعرف أعمل كنترول في الحفلات والأفراح حتى لو في حد موجود ومش محترم على طول بيحترم نفسه، وده علشان أنا ليا طريقة كده على المسرح”.
ومن جانبها، فقد كشفت الراقصة صافيناز عن رأيها في عمليات التجميل، وعلقت قائلة:ـ “كل الراقصات بتعمل عمليات تحميل وده شئ جميل، وعندنا 99% منا بيعملوا عمليات التجميل، وده علشان هى بقت موضة، وممكن تلاقى واحدة ولا إتنين هما اللى معملوش لسه، وأما بالنسبة ليا أنا لسه معملتش أى حاجة، ولكن في بعض الأحيان بقعد أفكر وبيدور في دماغى إنى أعمل، ولكن أنا بخاف أوى.. بالبلدى كده ممكن معملش عشان أنا جبانة”.
