“معملتش حاجة في حياتى غير الشغل وخلفة العيال”.. أبرز تصريحات الفنانة صابرين في عيد ميلادها
صرحت الفنانة الجميلة صابرين عن أبرز الأشياء التى فعلتها بحياتها حتى الآن، وذلك بمناسبة عيد ميلادها، وأكدت على أنها لم تفعل الكثير في حياتها وأن أهم ما قدمته في حياتها “خلفة العيال والشغل” على حسب تصريحاتها.
وأوضحت الفنانة، من خلال مداخلة هاتفية مع الاعلامى المعروف عمرو خليل، والذى يقوم بتقديم برنامج “من مصر”، والذى يُذاع عبر فضائية “cbc” قائلة:ـ “أنا عملت 4 أو 5 أفلام منذ كنت طفلة وتحديداً وأنا عندى 5 سنين، وأنا إتولدت على السينما على طول، وكل اللى عملتوا في حياتى لغاية دلوقتى هو الشغل وخلفة العيال وبس.. هى دى الحاجات اللى عملتها في حياتى كلها”.
وعلقت صابرين:ـ “الشعب المصرى حلو وجميل وحبيبى، وأنا عايشة علشان أسعد الناس، وده علشان شغلتنا إننا نسعد الآخرين داخل مصر والوطن العربى، وعلى فكرة أنا قدمت الكثير من الأعمال أبرزها (أبو العلا البشرى، ليلة القبض على فاطمة)، وكمان وأنا صغيرة شاركت في الجزء الخامس من مسلسل ليالى الحلمية، ووقتها كنت حامل وعلى وش ولادة، وبعد ما ولدت كملت المسلسل”.
وحينما سؤلت الفنانة عن أعمالها الحالية ردت وقالت:ـ “أنا بعمل مسلسل (أعمل إيه)، وإحنا لسه شغالين فيها ومخلصناش تصوير، وحقيقى الحمد لله المسلسل عامل رد فعل كويس مع الجماهير.. بجانب الفنان خالد الصاوى والمخرج الجميل أحمد عبدالحميد والسيناريست الرائع محمد الحناوى، وبجد الحمد لله يعنى منطقة كده جديدة فيها لايف كوميدى والست المصرية اللى بجد، وانا كمان حبيت إيناس في مسلسل أعمل إيه، وده علشان دمها خفيف أوى ونكفه كده”.
نحبها منذ الصغر كانت من ابرز الفنانات احساسا من الجزائر تحياتي