قامت الإعلامية المعروفة “ريهام سعيد” بتوجيه رسالة شديدة اللهجه لعروس الإسماعيلية، والتى تعرضت للضرب المبرح من قِبل زوجها وشقيقته قبل حفل الزفاف بساعات قليلة، ونصحتها بأن لا تكمل هذه الزيجة حتى لا يستمر القهر لها من قِبل زوجها.
ريهام سعيد
وقالت الإعلامية ريهام سعيد:ـ “من الممكن تبقى يتيمه وملكيش حد، وممكن يكون في حد بس ملوش لازمة، وإنتى لو كملتى الجوازه دى يبقى فعلاً ملكيش حد، إوعى تغلطى غلطتى وتكملى في شيءغلط من الأول، وعلى فكرة أنا حياتى بقت صعبة بسبب قرار واحد غلط”.
وتابعت الإعلامية:ـ “مش عارفه ممكن يكون قالك إيه، بس اللى أكيد اللى مايحافظش على كرامتك بالشكل ده يبقا مش بيحبك، واللى يكسر خاطرك بالصورة دى في ليلة عمرك يبقى أكيد مش بيحس ولا عمره ما يبقى بنى أدم نهائى، إنت غلطى وياريت تصلحى غلطتك وتأكدى إنى ليكى رب إسمه الكريم”.
وأكملت قائلة:ـ “إنتى عارفه الكلام اللى بيتقال عن بيتك وجوزك والستر، وإنك ملكيش حد وكمان الفضيحة ومينفعش تطلقى بعد يوم من جوازك، كل ده كلام فاضى إشترى نفسك وحياتك والناس مش هتنفعك ده إنسان ربنا فضحه لحكمه عندو، وعلى فكره أى سيده خايفة وبتكمل حياتها على كده بتعيش بقية حياتها في ذل ومهانة، وده علشان ملهاش حد وكمان خايفه من كلام الناس، وأنا بقولك خلى عندك إيمان بالله هو اللى خلقك وعمره ما هيتخلى عنك”.
وأوضحت ريهام:ـ “إنتى غلطى غلطة عمرك إنك كملتى، وهيبقى غلط أكبر لو إستمريتى، وصدقينى هيضربك تانى وتالت ورابع وكمان لما يبقى عندك أولاد هيضربك أمامهم، كل ده علشان الحب؟.. هو فين الحب ده؟، ساعات بتمر علينا أوقات صعبه أوى والقرار فيها بيكون أصعب بس لو أخدتيه وتحديتى الكل، فإنتى إشتريتى نفسك وتأكدى إنك مش لوحدك مصر كلها معاكى، وكمان القانون في صفك”.
وأنهت سعيد قائلة:ـ “والله بجد دلوقتى إنتى مش لوحدك، وكمان ربنا فضحوا من خلال الفيديو اللى الملايين شافوه، واللى هيفضلوا في ضهرك وهيدعموكى ويحموكى، وياريت لو في شخص يعرف يوصلها البوست ده، علشان نساعد في إنقاذها هى وغيرها”.
