أثار إنتحار الشاب نور الدين ضجة كبيرة على السوشيال ميديا، والذى يعمل موظف بشركة تيلى بيرفورمانس، وهى شركة كول سنتر مالتى ناشيونال، وللشركة فروع كثيرة على مستوى العالم، حيث أن الكثير من نشطاء مواقع التواصل الإجتماعى يرغبون في معرفة كافة التفاصيل عن واقعة إنتحار نور الدين.
زوجة نور الدين
حيث قام أحد زملاء الشاب، بكتابة بوست على جروب كول سنتر، على موقع التواصل الإجتماعى “فيس بوك” قائلاً:ـ “تم إستدعاء نور الدين من قِبل المدير المباشر له محمد سامح عبدالكريم الأُسبوع الماضى، وأبلغه بخصم 4 أيام من مرتبه علشان هو بيدخل الحمام كتير نظراً لظروفه الصحية، وكمان إتكلم مع نور بطريقة مش لطيفه وأهانوا، وتحس بإنى كان في تعمد من المدير علشان يخلى نور يقدم إستقالته”.
وتابع:ـ “وللأسف الشديد نور إتحمل وفضل قاعد الفترة دى في الشركة علشان كان له بونص هيقبضها في شهر فبراير القادم، لكن المدير محمد صمم إنوا يفصل نور قبل تقفيل السنة علشان يحرمة من البونص”.
وأكمل:ـ “نور بقا كان عامل حسابه على المبلغ اللى جاى علشان عليه ديون هيسددها، وهو ده اللى حصل بينهم، وبالفعل بعدها تم إبلاغ نور الدين بقرار الفصل اللى انا متأكد إنوا هيختفى من ورق القضية علشان سمعة الشركة، بس هو ده اللى حصل”.
وأنهى قائلاً:ـ “وللأسف الشديد نور لم يتحمل ونفسيته تعبت وكان منهار، ومش قادر يواجه أولاده وزوجته، وأكيد الدنيا إسودت في عينه وقرر ينتحر، وراح رامى نفسه من الدور الثالث بالشركة ومات، بصراحة هيا دى تفاصيل الواقعة اللى موظفين الشركة خايفين يقولوها، واللى كانت السبب المباشر للواقعة، وكمان بحب أقول للأُستاذ محمد سامح.. حضرتك كنت السبب في اللى حصل، وأنا لسه ماعرفشى عنك حاجة بس بوعد حضرتك بإنى صورتك هتكون منورة على كل صفحات مصر في خلال ساعات”.
وقد قام عدد كبير من رواد مواقع التواصل الإجتماعى بتفعيل هاشتاج إنتحار نور الدين موظف شركة تيلى بيرفورمانس على نطاق كبير، حيث طالب الكثير بالتحقيق في الواقعة، ومعرفة الحقيقة كاملة والأسباب التى دفعت هذا الشاب إلى الإنتحار.
