قامت الفنانة المعروفة نرمين الفقى، بالحديث عن قصة خطبتها سابقاً من سفير، والتى انتهت بالفشل، وذلك بسبب ضعف شخصيته وتعليقات والدته المستمرة عليها وانتقادها بشكل دائم.
"ريحتك بصل وشقتك صغيرة".. هكذا فسخت نرمين الفقي خطبتها من سفير
وأكدت الفنانة نرمين، من خلال حوار سابق لها على فضائية “النهار”، مع الاعلامية الشهيرة نجوى ابراهيم، وعلقت قائلة:ـ “أول مرة جه هو ووالدته يتقدموا ليا في بيتى بالقاهرة، ووالدته قالتلى أنا مكنتش متخيلة إنى الفنانة نرمين الفقى تسكن في شقة صغيرة زى دى”.
وتابعت الفنانة:ـ “فردت عليها والدتى وقالت إنها شقة والدتها.. فردت على والدتى وقالت طيب إنتوا بتعملوا إيه بكل الفلوس اللى معاكوا؟.. مش كان لازم تعملى فيلا كبيرة تعيشى فيها.. ده أنا قلت هاجى ألاقى بيتك محصلش”.
وأضافت نرمين:ـ “على فكرة إبنها كان انسان كويس جداً، وأنا كنت سعيدة جداً بارتباطى بيه، وهو كان لطيف معايا، ولكن المشكلة الكبيرة إنوا كان ضعيف الشخصية وخصوصاً مع والدته، ومكنتش عارفة أعمل إيه، وفى مرة من المرات عملت عزومة لحماتى، وملحقتش أغير هدومى بعد ما جهزت الأكل، وأنا بسلم عليها قالتلى إيه ده إنتى ريحتك بصل”.
وأنهت الفنانة نرمين حديثها قائلة:ـ “وبعدها بفترة عزمتهم في فيلاتنا بالاسكندرية، وأنا على طول قلت لحماتى ده بيتنا اللى كنتى عاوزة تشوفيه، وكمان كتر خير جدتى إنها ادتنى شقتها في القاهرة علشان نعيش فيها، وعادى جداً إنى أعيش فيها، وبعدها بلغتها إنى مش موافقة على الجوازة دى، وإنى مش هينفع أكمل حياتى مع ابنك”.
تمام