أثارت الفنانة ميسرة، الكثير من الجدل خلال الساعات القليلة الماضية، بعد أن تحدثت عن مشوارها الفنى وكشفت عن كواليس تعاونها مع الفنان عاد إمام والفنان يحى الفخرانى، وتحدثت أيضاً عن حياتها الشخصية.
ميسرة: «عملت دور راقصة وبنت ليل بس معملتش حاجة مُبتذلة»
وأكدت الفنانة، أثناء استضافتها بأحد البرامج التليفزيونية وقالت:ـ “الفنانة هند صبرى أفضل مُمثلة أجنبية عملت بمصر، وظافر عابدين به الكثير من مواصفات الراجل اللى بيعجبنى، وحورية فرغلى ومها صبرى إتأذوا أوى بسبب عمليات التجميل، وحقيقى أصالة إحلوت أكتر من إليسا بعد عملية التجميل”.
وتابعت الفنانة:ـ “بجد حورية فرغلى غلطانة في موضوع عمليات التجميل اللى عملتها، وده علشان هى رفضت تُصبر على نفسها، وده لأنى عمليات التجميل اللى بتتعمل في الأنف لازم يستنوا على العمليات أو أى تدخل من 6 لـ 8 شهور وساعات سنة، ولكنها مصبرتش”.
وأضافت ميسرة:ـ “أنا بخاف من المرض ولكن لا أخاف من تقدم العمر، وأنا بطلت أنفخ خدودى بسبب اللى حصلى، وبجد كتير من الرجالة بيبقى عندهم انفصام في الشخصية، وده علشان بيقبلوا لأنفسهم ما لا يقبلوه لزوجاتهم، وأنا لو حبيت راجل واقتنعت بيه ممكن أكون زوجة تانية عادى، ولو لقيتها مُقصرة معاه هقولها، ومش ممكن اتجوزوا بدون علم زوجته الأُولى”.
وأوضحت الفنانة:ـ “مريت في حياتى كلها بعلاقة حب واحدة وأنا صعب أوى أحب، وسيبته لأنى لما بحب بفكر بعقلى بس، وهو كان مُطلق وغلط أكتر من مرة في حق طليقته، وعمل ده أمام مراته ورفضته، ومش عارفة ليه الستات بتغير منى وبتخاف منى، وكتير منهم في الجيم قالولى إنهم بيكرهونى وبيتجنبوا يتعاملوا معايا”.
وأنهت الفنانة حديثها عن أن والدها رفض تقديمها لأدوار الإغراء، وعلقت قائلة:ـ “بابا رفض إنى أقدم أدوار إغراء، وأنا عملت دور راقصة وبنت ليل بس معملتش حاجة مُبتذلة، وعملت أدوار ضحك وشخصية، ومقدمتش أدوار ساخنة.. زى القبلات والأحضان، ولكن مشهد السرير مع عادل إمام مكناش مع بعض على السرير في نفس الوقت”.
