أثار الاعلامى والسيناريست المعروف محمد الغيطى، الكثير من الجدل خلال الساعات القليلة الماضية، بعد أن كشف عن تفاصيل تقديمة لمسلسله الشهير “الضاحك الباكى”، والذى تناول قصة حياة الفنان الراحل نجيب الريحانى، وأشار إلى أنه قد عانى الكثير بسبب هذا العمل وتعرض للنصب.
محمد الغيطى عن "الضاحك الباكى": إتنصب عليا في ملايين بسبب المسلسل
وأكد الغيطى، من خلال ندوة “الضاحك الباكى”، وقال:ـ “أنا قدمت للدراما العربية 36 عمل فنى والضاحك الباكى هو رقم 37، وهو المسلسل الوحيد اللى كتبته سيناريو ثم روائى والسر في فترة الحظر بتاعت كورونا، وبجد جتلى عقدة من مدينة الإنتاج، وده علشان 2 من زمايلى ماتوا وقعدت 6 شهور في البيت”.
وتابع:ـ “أنا كتبت الرواية وقلت في نفسى إنى عملت كارثة، وده علشان في أحداث كتير غير السيناريو.. ده بقاله 13 سنة بحاول أقدمه للجمهور، وعشت بسببه تجارب كتير ومظالم أكتر، وبجد مش مصدق إنوا إتعرض بعد كل اللى حصل”.
وواصل السيناريست:ـ “ومن كام سنة شركة عربية عرضت عليا إنها تعمل المسلسل وتجيب نجم صف أول، وتدفع ليا 20 مليون جنيه، وكتبولى شيك بالمبلغ عمرى ما شوفته في حياتى، وساعتها قلت في نفسى إنى عديت وهشترى طيارة خاصة وقصر، والموضوع طلع نصابية والنجم الكبير قالى الشيك من غير رصيد”.
وأنهى حواره خلال الندوة وقال:ـ “الجمهور بيشكرنى إنى قدمت الضاحك الباكى، وده علشان رجعهم تانى يتفرجوا على الدراما بجد، وبيقولوا شكراً إن المسلسل مفهوش حاجة تخجل منها الأسرة لا سيجارة ولا لفظ”.
وجديراً بالذكر، بأن مسلسل “الضاحك الباكى” ضم نخبة كبيرة من نجوم الفن أبرزهم “فردوس عبدالحميد، وعمرو عبدالجليل، ومحمد سليمان، ومصطفى شوقى، وهاجر الشرنوبى، ورزان مغربى”، وغيرهم الكثير والمسلسل من إخراج محمد فاضل.
