“ياجدعان ياجدعان وربنا إحنا ماشيين بعلاج”.. أول تعليق من خالد سرحان بسبب تصريحات منة عرفة المثيرة للجدل

قام الفنان خالد سرحان بالسخرية من تصريحات الفنانة الشابة منة عرفة، والتى صرحت بها مع الإعلامى نزار الفارس، والذى يقوم بتقديم برنامج “مع الفارس”، والذى يذاع على قناة “الرشيد” العراقية حيث قالت:ـ “أنا لا بتباس ولا بتشال ولا بتحضن في أى عمل فنى أُشارك فيه”.

"ياجدعان ياجدعان إحنا ماشيين بعلاج".. أول تعليق من خالد سرحان بسبب تصريحات منة عرفة المثيرة للجدل

وقام الفنان خالد بنشر تصريحاته الساخرة من خلال حسابه الرسمى على موقع التواصل الإجتماعى “فيس بوك”، وعلق قائلاً:ـ “ياجدعان ياجدعان حرام عليكوا.. إحنا وربنا ماشيين بالعلاج”.

وجديراً بالذكر، بأن الفنانة منة عرفة أثارت الجدل بعد لقائها مع الإعلامى العراقى نزار الفارس، حيث قام  نزار بتوجيه الكثير من الأسئلة والإنتقادات للفنانة، ومن بين تلك الأسئلة:ـ “إيه اللى يخليكى تتجوزى واحد إتجوز مرتين قبل كده، وكمان معاه أولاد؟”.

لتقوم الفنانة بالرد عليه قائلة:ـ “أنا واحدة أول مرة أتجوز، وكمان أنا سعيدة علشان بقا عندى راجل وأنا مسئولة منه، وأكيد إنى محمود بقا عندوا خبرة في التعامل مع السيدات، علشان كده هو بيعرف يتعامل معايا كويس”.

وتابعت منة:ـ “وكمان في حاجات كتير مشتركة بينى وبين محمود، وطبعاً الحاجات دى بتخلينا نكمل بعض، فمثلاً أنا عصبية جداً وهو هادى جداً، وأنا عنيدة وهو أعند منى، بس بعد الجواز لميت نفسى شوية علشان المركب تمشى”.

وحينما قام الفارس بسؤالها حول عدم ظهور زوجها إعلامياً قالت:ـ “مش هو بس اللى رافض، أنا كمان رافضة نهائى، وكفاية أوى اللى حصل، وإحنا مقررين إننا منعملشى أى لقاء أو حوار، وده علشان حياتنا أهم بكتير من هذه الأشياء، وللأسف إحنا اللى عملنا في نفسنا كده، بس الأكيد انى إتعلمت الدرس كويس وإتعلمت من أخطائى، ومش من الضرورة حد فينا يشتهر أكتر من التانى، وده علشان كل شخص ناجح في عمله”.