قامت الاعلامية ميار الببلاوى بتوجيه رسالة للمطربة شيرين عبدالوهاب، وذلك بعد ظهورها مؤخراً في حفل تكريم طلاب كلية طب الفم والأسنان بأحد الجامعات الخاصة خلال الأيام القليلة الماضية.
"بناتك كده هيبقوا عبيد فوقى لنفسك".. ميار الببلاوى توجه رسالة شديدة اللهجه لـ شيرين
وصرحت الاعلامية لـ شيرين في مقطع فيديو قامت بنشره من خلال حسابها الرسمى على موقع التواصل الاجتماعى “فيس بوك” قائلة:ـ “خايفة إن شيرين تزعل ولكن من حبى لها، وكمان شوفت الفنانة وهى بتتكرم منذ عدة أيام، وشوفت الفستان اللى هى لبساه والوزن اللى هى وصلتله.. يا شيرين فوقى لنفسك ولبناتك.. الدنيا مش هتقف على أى راجل في العالم”.
وأضافت ميار:ـ “اسألينى أنا.. كلنا اتصدمنا واتطلقنا وفشلنا، وكمان كان عندنا مسئولية وحبينا بجد واتسبنا، وعلى فكرة انتى مش ملك روحك وملك للجمهور، وكمان المفروض تكونى مثل أعلى لبناتك”.
وأوضحت الاعلامية:ـ “مينفعش بنتك تشوفك في الصورة دى وإنتى مُنهارة، والواضح إنك عاوزة تبعتى رسالة لطليقك إنك إنتهيتى؟، وكمان مينفعش تقولى له إنك زهدتى من الدنيا؟، وعلى فكرة أنا بحبك أوى وكان عندى ولد وإتعرضت لنفس المشكلة واتطلقت، ولكن الدنيا لم تقف عند هذا الحد ومشيت وعديت محنتى واتجوزت بعدها أكتر من مرة، وانا عارفة إنك حبتيه أوى ولكن المطلوب منك إنك تقفى وتثبتى وجودك، وياريت تظبطى وزنك وتخسى شوية”.
واختتمت قائلة:ـ “بناتك كده هيتعقدوا، وهيبقوا حاجة من الاتنين لما يرتبطوا يا إما عبيد تحت رجل اللى هيرتبطوا بيه أو مفيش أى علاقة، وإحنا في إنتظار شيرين بتاع زمان الجدعة المصرية الأصيلة بنت البلد، واللى اتعودت تقع في الأزمات وتكمل عادى، وانا مش عارفة بقولك ليه كده بس يمكن علشان أنا مريت بأزمتك وحسيت بآلامك ووجعك أكتر من مرة، وآخر حاجه عاوزة أقولها على حسب خبرتى في الحياة.. الدنيا مبتقفش على حد وأكيد نظرتك في وش بناتك بالدنيا وما فيها”.
حلم مسابق الحسن حمداوي الدالبيضاء المغرب الهاتف 212668968654