قامت الاعلامية المعروفة مروة صبرى، بالتعليق على عودة الفنانة شيرين عبدالوهاب لطليقها الفنان حسام حبيب، بعد الأمور التى حدثت بينهما في الفترة الأخيرة والتى انتقلت بسببها شيرين إلى المستشفى.
مروة صبرى لمنتقدى حسام حبيب: مظلوم وغلطان في حق نفسك إنك وافقت ترجع لـ شيرين
وأكدت الاعلامية مروة، من خلال تقديمها لبرنامج “قعدة ستات” وقالت:ـ “بعد كل اللى شفناه وسمعناه حسام حبيب مظلوم، وكمان إنت غلطان إنك وافقت ترجع لشيرين تانى.. بعد كده إنت حر في اللى هيتعمل فيك، واللى هيتقال عليك وإنك بتاخد فلوسها، وإن العلاقة بينك وبينها علاقة مصلحة وبس”.
وتابعت الاعلامية:ـ “وده علشان هى شيرين عبدالوهاب واسمها كبير وإنت فنان بس مش قد اسمها، واستحمل بقا لما أى كلمة تتقال عليك وإنك سرقت عربيتها ودمرت حياة بناتها وضربتها وسحلتها، ولما تسمع كلام زى ده متبقاش تزعل.. الكلام ده حصل معاك مرة واتنين وتلاتة، ورايح تكتب كتابك عليها تانى”.
وقامت مروة بإنتقاد تصرفات والد حسام وقالت:ـ “الإفية الأعلى أبو حسام حبيب من أسبوعين كان بيقول إن حسام تربية ست وهيج الكل على ابنه وكان وقف مع شيرين، ودلوقتى بيبارك ليهم وبيطلبهم يجبوا له أحفاد.. إحنا بنهزر ولا إنتوا بتستخفوا بعقول الناس”.
وجديراً بالذكر، بأن المطربة شيرين أكدت من خلال مداخلة هاتفية مع الاعلامى عمرو أديب مساء الجمعة الماضية، والذى يقوم بتقديم برنامج “الحكاية”، على أنها عادت مرة ثانية لزوجها حسام حبيب، وأوضحت للجمهور بأنها تعيش حالياً في أمان، ولن تقوم مرة ثانية بالتحدث عن أُمور حياتها الشخصية، وأشارت بأن الاعلامية نضال الاحمدية عندما علمت بالخبر أرسلت لها باقة ورد ودعت بأن يبارك الله لها.
وعلقت شيرين وقالت:ـ “تم كتب كتابى على حسام حبيب امبارح في تمام الساعة الـ 9 مساءً، وذلك في حضور بعض الأصدقاء المقربين جداً، وأنا بطمن جمهورى الحبيب عليا وعاوزة أستغل الفرصة وأعتذر لحسام حبيب على ما صدر منى خلال الفترة الماضية”.
