كشفت الفنانة الجميلة مى عمر، عن كواليس من حياتها الفنية وأنها تعرضت للظلم منذ أن بدأت مسيرتها الفنية بسبب زوجها المخرج، وأشارت إلى أن الكثير قال عنها أنها في التمثيل بسبب زوجها محمد سامى.
مى عمر: «بخاف من الفشل واتظلمت كتير بسبب جوزى»
وأكدت الفنانة، أثناء استضافتها ببرنامج “حبر سرى”، والتى تقوم بتقديمة الاعلامية أسما ابراهيم، والذى يُذاع من خلال فضائية “القاهرة والناس”، وقالت:ـ “اتظلمت كتير وكنت حاسة بالظلم زمان، وده لما كان بيتقال عليا إنى بالوسط الفنى علشان جوزى المخرج محمد سامى، ولكن بعد فترة بدأت أفكر بعقل وجوزى قدمنى”.
وتابعت مى:ـ “جوزى قدمنى ولكن بعد كتير من الأعمال الفنية اللى عملتها، وبجد مينفعش يتقال جوزى لأن مفيش حد بيفرض شخص على الناس، وكمان في أشخاص كتير بيتقدملها كل حاجة وفى النهاية بتفشل، ومش هقدر أنكر إن دعم محمد ليا سهل عليا حاجات كتير، وده أفضل ما كنت هبدأ لوحدى، ولكن بعمل شغل واستقبال الجمهور هو الحكم”.
وتحدثت الفنانة خلال اللقاء، عن عدم ندمها على أى عمل فنى قدمته خلال مشوارها الفنى، وعلقت قائلة:ـ “فى كل قراراتى بحس إن القرار اللى أخدته كان الأفضل ليا، وحقيقى بخاف أوى من كلمة الفشل، وده علشان أنا بطبيعتى مُترددة بس مش خوافة”.
وتحدثت مى أيضاً عن علاقتها بالفنانة غادة عبدالرازق، وأنه من الصعب أن توافق على العمل معها، بسبب خلافاتها مع زوجها قديماً، حيث قالت:ـ “مستحيل إنى أجتمع معاها في عمل فنى، والخلافات اللى بينا قديمة ولكن من الضرورى يكون في كيميا بينا علشان نعرف نعمل شغل كويس، ونظهر بصورة كويس وده مستحيل في الوقت الحالى”.
