أثار المخرج المعروف خالد يوسف، الكثير من الجدل بعد أن كشف عن رأية في فكرة الايمان والتبارك بالأولياء، وخصوصاً بعد أن قام بتسليط الضوء على هذا الأمر بمسلسله الأخير “سره الباتع”، والذى يتم عرضه خلال السباق الرمضانى الحالى 2023.
خالد يوسف عن فكرة التبارك بالأولياء: «مش شايف إن الأضرحة خروج عن الدين»
وأكد خالد، من خلال تصريحات له مع القاهرة 24 وقال:ـ “مش شايف الأضرحة خروج عن الدين ولكن بعض السلفيين شايفين كده، مع العلم بأن الأولياء جزء من تكويننا كمصريين، وبجد عمرها ما كانت كفر ولا زندقة أو إيمان بغير الله سبحانه وتعالى”.
وتابع المخرج:ـ “واللي عايز يشوف التبارك بالأولياء في السكة دى هو حر وبراحته، ولكن المصري إيمانه سلس وبسيط وعفوي، وكمان بيحب يتبارك بالآئمة والأولياء علشان الموضوع ده بيريح روحه.. إيه اللي في الدين ضد اللى بيعمله؟”.
وواصل خالد يوسف:ـ “وأنا عن نفسي بعمل كده، وبحب أوي أروح الموالد وقدمت فكرة الأولياء في مسلسل سره الباتع بصورة بسيطة وسهلة، وده من غير ما أقع في الخرافة والتخيلات والجن والكرامات، وحقيقي عملتها بالاسلوب المصري الحقيقي، وده علشان إيمان المصريين مش موجود فيه لعبكة ولا أسئلة كتير”.
وأنهى المخرج حديثة وقال:ـ “وكمان المصري بيحب يتبارك بالاولياء ولا يمكن أن يُشرك بالله، والفلاح البسيط إيمانة أقوى بكتير من أصحاب اللحى الطويلة، وده عشان بيروح يصلي ويرجع يروح أرضه ويزرعها، حتى وإن كان مش بيروح الجامع”.
وجديراً بالذكر، بأن المخرج خالد يوسف يشارك في السباق الرمضانى للعام الحالى 2023، بمسلسل “سره الباتع”، ويضم العمل مجموعة كبيرة من نجوم الفن أبرزهم “أحمد فهمى، وأحمد السعدنى، ومنة فضالى، وشمس الكويتية، وهالة صدقى، وأحمد عبدالعزيز، وأحمد وفيق، ومحمود قابيل، وخالد سرحان، وعايدة رياض، وعمرو عبدالجليل، وصلاح عبدالله، وريم مصطفى، ونجلاء بدر”، والعمل مأخوذ عن قصة الأديب الراحل يوسف إدريس.
