أثارت الفنانة إلهام عبدالبديع، الكثير من الجدل خلال الساعات القليلة الماضية، بعد أن كشفت عن رأيها في أدوار الإغراء وعن إمكانية أن تقدم مثل هذه الأدوار، وتحدثت عن فارق السن بينها وبين زوجها الملحن المعروف وليد سامى.
إلهام عبدالبديع: «رفضت مشهد على السرير ولو عملته كان زمانى رقم 1»
وأكدت الفنانة، من خلال تصريحات تليفزيونية عن فارق السن بينها وبين زوجها وقالت:ـ “أنا أكبر من وليد جوزى بـ 8 سنوات، وبجد في الأول خالص مكنتش عارفة فارق السن اللى بينا، وأول لما عرفت إتخلبطت أوى، وكنت بقول لنفسى ساعتها قدرى ظروفه في الوقت ده، وعلى فكرة أنا بحاول أديله مساحتة وعاوزاه يعيش كل حاجة، وبجد في بينا إحترام مُتبادل، وفى ناس كتير عقبوا على الجوازة دى وقالوا إن ده أمر كارثى، وإحنا لما بنكبر بيبقى تفكيرنا أنضج بكتير”.
وتابعت الفنانة:ـ “أهله في الأول كانوا رافضين وكان عندهم علامة استفهام، وشكلى مكنش مدى إنى أكبر منه.. باين علينا إننا قريبين في السن وأهلى كلهم كانوا معارضين وكانوا خايفين أوى من تجربة زى دى، واللى كان مخوفهم في الأول إننا متفقناش، وأنا مش بحب أكون لوحدى”.
وتحدثت إلهام خلال اللقاء، عن رأيها في أدوار الإغراء وقالت:ـ “الإغراء ده نوعين ببصة وبحركة وحاجات بسيطة، ولكن أنا مش هينفع أعمل حاجات زى دى، وعلى ما أظن إن الحاجات دى مبقتش تتعمل في مصر زى الأول، وكمان الناس مش بتتقبل ده زى زمان، وأنا قدر استطاعتى بحاول أراعى ده وأخد بالى من أدوارى أوى، وحقيقى إتعرض عليا فيلم مع مخرج مشهور جداً، وكان أول مشهد فيه على السرير، وأنا لما بصيت على المشهد شوفت الفيلم كله، ولو كنت عملتوا كان زمانى رقم 1”.
وأنهت الفنانة عبدالبديع حديثها بنصيحة تامر حسنى لها، وعلقت قائلة:ـ “تامر حسنى كان بيعزنى أوى، وقالى إنوا بيحبنى كده من غير أى مُقدمات، وحقيقى مش لازم تعملى دور معين علشان الجمهور يشوفك، وإحنا ساعتها مكنش في علاقة تجمعنا ببعض وقبل فيلم (أهواك)، وبعد ما فات كام سنة إقتنعت إن كلامه صح”.
