كشفت المطربة الجميلة هدى، عن كواليس من حياتها الشخصية وأزماتها المادية التى مرت بها خلال حياتها وتحديداً في الوقت الحالى، وخصوصاً بأنها تقوم بالإنتاج لنفسها.
هدى: «مش معايا فلوس أدفع مصاريف المدرسة لـ بنتى»
وأكدت الفنانة، أثناء استضافتها ببرنامج “كلام الناس”، والتى تقوم بتقديمة الاعلامية المعروفة ياسمين عز، والذى يُذاع من خلال فضائية “mbc مصر”، وقالت:ـ “بيتقال عليا إنى زى الفنان حكيم ولكنى النسخة النسائية، وبجد ده شرف كبير ليا، ولكن مسيرتى الفنية تعرقلت علشان بنتج الأغانى لنفسى، وحالياً بمر بأزمات مادية زى كل البشر”.
وأضافت هدى:ـ “بيمر عليا أوقات مش بيكون معايا فلوس، ودلوقتى مش عارفة أدفع مصاريف المدرسة لبنتى، ولو في شخص من برا ومش عارفنى وشاف البيت اللى أنا عايشة فيه والعربية مش هيصدق نهائى إنى مش معايا ولا مليم”.
وتابعت الفنانة:ـ “أنا زى أى شخص بيحصل له ظروف صعبة، وأنا عندى حياة وبيت ومسئوليات وبنتى، وكمان عندى مصاريف مدرسة ودروس، وفى كتير من الأحيان ببقى بين نارين.. هتدفعى مصاريف المدرسة لبنتك ولا هتنتجى الأُغنية، وفى الآخر بروح دافعة مصاريف المدرسة لبنتى.. معنديش بديل، ويمكن ده اللى أخرنى في شغلى كتير”.
وأنهت المطربة حديثها وقالت:ـ “وطبعاً مفيش حد بيصدق اللى أنا بقوله غير اللى بيمر بنفس الظروف، وبجد أنا لو في شخص محتاج حاجة والحاجة دى مش معايا غيرها مش بتأخر وبروح مدياهله، وبقول ربنا يفرجها والحمد لله بتتراضى بتتراضى”.
