أثار الموسيقار المعروف حلمى بكر، الكثير من الجدل خلال الساعات القليلة الماضية، بعد أن كشف عن كواليس فترة مرضه ومكوثه بالمستشفى أكثر من شهر، وتحدث أيضاً عن الكثير من الأسرار حول حياته الفنية.
حلمى بكر: «نص المطربين دلوقتى مش مُثقفين والفن علم الناس قلة الأدب»
وأكد الموسيقار، أثناء استضافته ببرنامج “يحدث في مصر”، والذى يقوم بتقديمة الاعلامى شريف عامر، والذى يُذاع من خلال فضائية “MBC مصر”، وقال:ـ “أنا إنسان رقيق مش فتوة ومُصاب نفسياً بدرجة كبيرة، وبجد بداية دخولى المستشفى كانت أصعب حاجة في مرضى، والأطباء قالوا إن شفائى يعتمد كثيراً على حالتى النفسية، وكل اللى عندك مرض نفسى مش أكتر”.
وتابع حلمى:ـ “المحنة الطبية فرقت كتير في حياتى وكمان فرضت نفسها عليا، والظروف كلها كانت ضدى وأقوى منى، وحقيقى عمرى ما فكرت أبعد عن الفن، ودايماً بروح رئيس لجان أغانى في العديد من الدول العربية، ومن ضمنها بلدى مصر، وأنا بستمد قوتى من الله الذى ساعدنى على تولى منصب رئيس لجنة السماع في الإذاعة والتليفزيون لفترة كبيرة حوالى 43 عام”.
وواصل الملحن:ـ “واللى عملته الفنانة لطيفة خلال زيارتى بالمستشفى أبكانى كثيراً، وأنا الملحن اللى زارته لطيفة في منزلها وبصحبتها الشاعر عبدالوهاب محمد، وأُغنية (طول ما في أملى وفى إيديا سلاح) لمحمد عبدالوهاب أكتر حاجة بتمثلنى، وأنا عملت تحليل علمى للأُغينة ومحمد عبدالوهاب بكى بسببها”.
وأضاف الموسيقار:ـ “وأثناء فترة مكوثى بالمستشفى سمعت شخص بيقول آه، وكنت حاسس باللى بيحصل حواليا، ودلوقتى نص المطربين اللى موجودين على الساحة مش مُثقفين، والتليفزيون فتح الباب لأى شخص علشان يغنى”.
وأنهى بكر تصريحاته عن مصطفى كامل وقال:ـ “مُقتنع أوى بإدارته للازمات التى تحدث داخل النقابة، وقولتله هقف في ضهرك لما ترجع لمنصب النقيب، وطلبت منه ينضف النقابة وقولتله الجمعية العمومية كلها معاك، ومن الآخر الفن علم ناس كتير بما فيها قلة الأدب”.
