أبدت أُسرة الراحل حسن أبو السعود عن حزنها وغضبها الشديد من تصريحات المطربة المعروفة شيرين عبدالوهاب، والتى ذكرت فيها إسم الموسيقار الراحل حسن أبو السعود حيث قالت:ـ “أنا شكل البدر ولما عشت معاه بقيت شبه حسن أبو السعود”، حيث أن الفنانة كانت تقوم بالهجوم على طليقها الفنان حسام حبيب.
أول تعليق من أُسرة حسن أبو السعود على تصريحات شيرين عبدالوهاب المسيئة له
وقامت أُسرة أبوالسعود بإصدار بيان منذ قليل، وذلك للرد على تصريحات الفنانة شيرين وجاء نص البيان كالتالى:ـ “فى ميزان الانسانية إيه قيمة الموهبة إذا صاحبها الإساءة والأذى؟، والتنـ،ـمر والسخـ،ـرية والإستهـ،ـزاء بالآخرين عيب، ولكن العيب الحقيقى السخرية من شخص فارق الحياة، ومش هقول إنسان واكلين معاه عيش وملح وله فضل كبير علينا، وده علشان قليل الأصل ممكن ينسى أى شئ وينكره، لأن الإساءة لشخص مش موجود وميت أكتر مستوى من الإنحـ،ـدار والدنـ،ـاءه”.
وتابع البيان:ـ “وإما يجى وقت الحساب.. الشخص المسئ هيقول لربنا إيه؟.. هيقول لأ متحاسبنيش علشان بتريق على شخص ميت وبحرجه وبحرج كمان أُسرته، وده علشان أنا مشهور ومعروف وغنى.. لأ متحاسبنيش علشان أنا أفضل فنان في العالم؟، وللأسف الشديد المسئ في إبتلاء كبير، ومش فاهم إنه عمال يحفر لنفسه حفرة كبيرة وممكن يقع فيها.. الشر زايد وكمان قلة الأصل وقلة الآدب مسكوت عنها، وكمان الآفاقين ماسكين راية للدفاع عن الظلم”.
وإختتم البيان:ـ “ميزان وبيتملى.. يارب إجعل دعائى ووجـ،ـع قلبى الليلة دى وكل الليالى اللى فاتت بسبب الإساءة الدائمة والحقـ،ـد الظاهر في الكلام من نصيب أى مُسئ، وحسن أبو السعود رحمة الله عليه شكلاً كان زى القمر وشخصية محترمة ودمها خفيف وكريم وطيب ومُتواضع ومُثقف، وكمان كان بيتكلم 3 لغات أُخرى وبطلاقة، والأكيد إنها مش ممكن تكون شبهه في يوم من الأيام”.
