قام مؤدى المهرجانات المعروف بـ حمو بيكا، بإثارة الكثير من الجدل خلال الساعات القليلة الماضية، حيث قام بتوجية رسالة لطلاب الثانوية العامة بالتزامن مع بدء إمتحانات الثانوية العامة، وذلك من واقع تجربته الشخصية التى مر بها حتى أصبح مطرب شعبى مشهور.
حمو بيكا يوجه رسالة لـ طلاب الثانوية العامة
وقام حمو بيكا، بنشر صورة له من خلال حسابة الرسمى على موقع التواصل الاجتماعى “فيس بوك”، وعلق عليها قائلاً:ـ “هو أنا أه مش متعلم وأخدت محو أُمية بالعافية، ولكن دى حاجة مش مُفرحة ولا تقول (عندك حمو أهو مش متعلم بس ناجح)، وياريت تصدقونى والله طعم النجاح مع العلم مُختلف كتير عن طعم النجاح من غير تعليم، وأكيد الفرق كبير ومش هيعرفها ويحس بيها غير اللى جربها”.
وتابع مؤدى المهرجانات:ـ “أكيد العلم بيفرق كتير في كل حاجة في الدنيا، ومحدش يعرف حجم المُعاناه اللى بتقابلنى كل يوم بسبب عدم المعرفة، وبتمنى من ربنا إنى محدش منكم يشوفها أو يتعرض ليها، وأكيد العلم بيستر كتير أوى وكمان بيخليك واعى ومُتفتح في كل مجالات الحياة”.
وأكمل حمو:ـ “أه الشارع علمنى كتير.. بس الأكيد مش زى المدارس والجامعات، وحتى لو مش هتشتغل بالشهادة.. وحتى لو دخلت كلية إنت مش راغبها، بس كفاية عليك أوى إنك مُتعلم ومعاك شهادة تقدر تسد بيها عين الشمس”.
وأنهى بيكا بتوجيه رسالة للجمهور قائلاً:ـ “ياريت الكل يتعلم وتخلوا بالكم من تعليمكم وشهادتكم، وده علشان الشهادة هتفرق معاكم أوى في الحياة ومع أولادكم.. أه أنا متعلمتش ومدخلتش مدارس، بس أنا حابب إنى الكل يتعلم وإوعى يجى عليك يوم وتقول أهو مش متعلم بس ناجح”.
وجديراً بالذكر، بأن زوجة مؤدى المهرجانات حمو بيكا تصدرت التريند على مواقع التواصل الاجتماعى، بعد أن قام حمو بمُغازلتها مساء أمس، وذلك من خلال صفحته الرسمية على مواقع التواصل الاجتماعى، الأمر الذى جعل الكثير من متابعى الفنان يتفاعلوا معها.
نريد المشاركه الحلم