أكد مؤدى المهرجانات المعروف بـ حمو بيكا، على أنه يفتقد العمل في مصر وطالب نقابة المهن الموسيقية بأن تسمح له بالغناء في مصر، وعلى الرغم من أنه يعمل بشكل جيد في دبى لكنه يتمنى الرجوع والغناء في بلدنا الحبيبة “وحشته” على حسب وصفه لها.
"زعلان إنكم حرمتوا جمهورى منى".. حمو بيكا يوجه رسالة شديدة اللهجة للمسؤولين
وقام حمو بيكا، بعمل لايف من خلال حسابه الرسمى على موقع التواصل الاجتماعى “فيس بوك” منذ قليل وقال:ـ “وحشونى أصحابى ووحشتنى أوى مصر.. مش بقالى فترة بعيد عنها بقالى شهر.. بس عدى عليا كأنه 100 سنة، ومصر بخير وهتفضل دايماً في خير”.
وتابع مؤدى المهرجانات:ـ “ياريت تسبونى أغنى في مصر.. أنا هنا في دبى شغال وكله تمام.. بس أنا عاوز أغنى في بلدى، ومش ممكن أحس بطعم النجاح زى ما هيكون في مصر، ومش هحس إنى ناجح غير فيها، والحمد لله أنا عملت حفلات كتير في دبى وتونس وتركيا وغيرهم تكفينى لسنة قدام.. بس أنا عاوز أغنى في مصر، وبقالى فترة قاعد بفكر ومش عارف أنام.. كنت مخنوق أوى فقلت أطلع لايف أفضفض معاكم وأتكلم معاكم شوية”.
وأضاف:ـ “أنا متغرب بعيد عن مصر وزعلان إنى بعيد ومتغرب، وكمان مش حابب أبقى تقيل على حد، ومعايا ناس كتير شغاله بحبهم وبيحبونى، وعمرى ما زعلت حد منى، والأكيد إن الطيب هو اللى الناس بتيجى عليه.. أما الخبيث فمفيش حد بيجى عليه، وأنا عمرى ما كنت خبيث”.
وقام حمو بيكا بمناشدة المسؤولين بالسماح له بالغناء في مصر، وعلق قائلاً:ـ “أنا مش بقول كده علشان أغنى في بلدى.. بس زعلان علشان حرمتوا جمهورى منى، وكل اللى أنا عاوزه إنى أشتغل في بلدى، ومش هعمل حاجة غلط”.
وأنهى بيكا:ـ “ياريت بلاش التنمر عليا.. أنا مش عارف أقرأ أساميكم ولا التعليقات.. بس اللى أنا متأكد منوا إنى في ناس كتير بتحبنى وأكيد في ناس بتشتم، وكل اللى عاوز أقوله إنتوا إخواتى وبحبكم، وإن شاء الله الأيام اللى جاية كلها خير، ولو الأمر تطلب إنى أعتزل ماشى بس في مصر، ولو هغنى في بلدى تانى هغنى، وياريت حد يحس بيا.. أنا شاب عندى 32 سنة بتهاجم بقالى 7 سنين.. نفسى حد مسؤول يشوف اللى أنا فيه”.
