كشفت الفنانة إيناس مكى، عن العديد من الأمور أبرزها سر عدم عملها مع شقيقها الفنان أحمد مكى، وتحدثت عن سبب رفضها تجسيد مشاهد ساخنة في الفيلم الشهير “مواطن ومخبر وحرامى”.
إيناس مكى عن رفضها تقديم المشاهد الجريئة: «مش هعرف أعمل الحاجات اللى زى دى»
وأكدت الفنانة، أثناء استضافتها ببرنامج “الستات”، والتى تقوم بتقديمة كلاً من “مفيدة شيحة، وسهير جودة”، والذى يُذاع من خلال فضائية “النهار”، وقالت:ـ “أنا بحب أخويا أوى ومش بحبه علشان شغله.. ممكن أوى نكون في نفس المهنة، ولكن كل واحد فينا عايش في العالم بتاعه فنياً، ولكن إحنا كإخوات بندفى بعض وبنحضن بعض وضهر لبعض”.
وأوضحت الفنانة، بأنها لا تحتاج للمساعدة من شقيقها أحمد، وعللت السبب في أنها دائماً ما تعتمد على نفسها، وأشارت إلى أن فكرة أن تطلب من أخيها شئ أمر غير مرغوب فيه وغير موجود بقاموس حياتها، وذلك على الرغم من تساؤلات كثيرة من الجمهور، عن طلب المساعدة من أخيها.
وأضافت إيناس:ـ “معنديش فكرة إن حد يطلب شئ من التانى، ولو هو عاوز يتكلم ويساعد هيعمل كده من غير ما أطلب منه، وبجد تركيبة شخصيتى بتخلينى معرفش أطلب من أى شخص حاجة، وأنا لا أستبعد العمل مع أخويا في أى وقت، وهو بيخرج دلوقتى ولو شاف أى دور مناسب ليا هيكلمنى”.
وتابعت الفنانة:ـ “أنا أكبر منه بـ 7 سنوات وعملت بالتمثيل قبله، وبجد بكون سعيدة لما الناس بتسأل مين فيكوا أكبر، وأنا شهادتى مجروحة في أحمد بس أكتر شخصية بحبها في مسلسل الكبير (حزلقوم)، وحقيقى بحس إنها افتكاسة فنية كوميدية، ومن الصعب جداً على أى مُمثل كوميدي يعملها”.
وكشفت الفنانة خلال اللقاء، عن السبب في عدم مشاركتها في فيلم “مواطن ومخبر وحرامى” مع المخرج داوود عبدالسيد، وعلقت قائلة:ـ “المخرج كان شايفنى بطلة ورشحنى للفيلم، ولكن رفضت بسبب المشاهد الساخنة بالفيلم، وأنا كنت رافضة إنى أقدم مثل هذه المشاهد، وده علشان مش هقدر أعملها”.
وأنهت حديثها وقالت:ـ “أنا بجتهد في شغلى، وعملت بروفات على الفيلم شهرين من عمرى، ومتكلمتش بطريقة مش كويسة مع المخرج، ولكن طلبت منه يخفف المشاهد الساخنة وهو رفض إنوا يعدلها، وساعتها أنا قولتله مش هينفع أتصور مع حد بالشكل ده، ومش هعرف أصور الحاجات الجريئة دى”.
تم