قامت الفنانة الجميلة درة، بالكشف عن كواليس من حياتها الشخصية وعلاقتها بزوجها هانى سعد وبداية تعارفهما ببعض، وأشارت إلى أنه لم يكن يتوقع أبداً أنه سيأتى عليه يوم ويتزوج من مُمثلة.
درة: «مينفعش حد يتجوز من فنانة ناجحة وميكنش واثق من نفسه»
وأكدت الفنانة، من خلال تصريحات تليفزيونية وقالت:ـ “هانى جوزى مبدأياً كده زى بقية الرجالة، ومكنش في دماغة إنوا يتجوز من فنانة، وبجد كان صعب أوى عليه إنوا يتجوز من مُمثلة، ولكن هو عرفنى وحبنى فاطمن أكتر، وراح واخد خطوة الإرتباط بيا والزواج منى”.
وتابعت الفنانة:ـ “وده يمكن علشان الراجل لما بيقرب وبيحب بجد خلاص، وضرورى يكون واثق من نفسه أوى وناجح، وده علشان مش هينفع حد يرتبط بشخص ناجح وهو معندوش ثقة بنفسه، وأنا كان عليا جانب إنى أطمنه وأخليه يثق فيا، ولازم يكون عارف أوى يعنى إيه مهنة التمثيل ومدى صعوبة التعامل مع زوجته وهى فنانة”.
وأما عن وقت تقدمه لها وطلب يدها، علقت وقالت:ـ “اتقدملى وإحنا قاعدين في مطعم وقالى موافقة تتجوزينى، وأنا ساعتها ضحكت وقعدت أفكر شوية، وبعدها بفترة سيبنا بعض وقررنا إننا نكون أصحاب، وبعدها سافرت لتونس وفرنسا علشان أحاول أنسى، ولما رجعت ابتدى يبعت ليا، وأنا في المطار لقيته جايب بوكية ورد وجاى، واتقدملى بصورة رسمية، وساعتها حسيت بحاجة حلوة بس كنت متلغبطة”.
وتحدثت الفنانة درة خلال اللقاء عن الزواج، وقالت:ـ “الزواج منظومة صعبة أوى ومش سهلة، وبجد بيبقى عندك مسئولية في حياتك، وقبلها كنت بفكر في نفسى وبس، ولكن بعد الزواج بقيت بفكر في شخص تانى، وحقيقى أنا مفاهيمى كلها كانت ووردية عن الزواج، وتقريباً إتجوزت متأخر شوية”.
