قامت الاعلامية المعروفة بسمة وهبة، بتقديم النصيحة للمطربة الجميلة شيرين عبدالوهاب، بعد الظروف التى تمر بها في الوقت الحالى، حيث طالبت الفنانة بالإبتعاد والسفر للخارج، حتى يتاح لها الفرصة في الرجوع مرة ثانية كما كانت.
بسمة وهبة عن أزمة شيرين: شيرين محتاجة عكاز وكمان تسافر بره مصر شوية
وأكدت الاعلامية، خلال تصريحاتها لها بـ “ET بالعربى” وقالت:ـ “الفنانة شيرين لازم تبعد شوية عن مصر كلها وتسافر للخارج، وده علشان تشم هوا نضيف، وكمان تخف من تعاطى المنومات والمهدئات اللى بتاخدها على الفاضى والمليان، وكمان أنا مش عاوزة أتكلم كل شوية عن المشاكل اللى زى دى وأنشر علاقتى بالآخرين”.
وتابعت بسمة:ـ “وكمان أنا عندى لشيرين فويس نوت كتير وأرفض أن أنشرها في البرامج اللى بقدمها، وده علشان مش هتضيف شئ للفنانة، وربنا يطمنا عليها ويرجعها لينا بالسلامة”.
وأضافت:ـ “الفنانة شيرين في حاجة لمراجعة حساباتها، وتخف بالسلامة وتاخد قراراتها بنفسها، وده علشان هى دلوقتى بتعانى حالة من الخوف، الأمر اللى بيخليها ترغب في شئ ما بجوارها سواء إن كان أخ أو زوج أو صديق، وهى طول الوقت محتاجة لعكاز علشان هى ضحية ومسكينة”.
وأنهت بسمة وهبة حديثها قائلة:ـ “زعلانة أوى من شقيقها ووالدتها في كل الكلام اللى قالوه، ده حتى لو كان صحيح مكنش ينفع يتقال كلام زى ده على نجمة مصر والوطن العربى كله، ويتم فضحها بهذه الطريقة الفظيعة، وأعترض كلياً وجزئياً على الكلام اللى قالوه.. شيرين بنت مصر وأخوها أساء لسمعة نجمة مصر”.
