قامت الفنانة الجميلة بسمة، بإثارة الكثير من الجدل خلال الساعات القليلة الماضية، بسبب حديثها السابق بخصوص أنها ليست بقرة تم تحريفه ببساطة شديدة، أثناء استضافتها ببرنامج “كلمة أخيرة”، والتى تقوم بتقديمة الاعلامية المعروفة لميس الحديدى، والذى يُذاع عبر فضائية “on”.
بسمة: رفضت أرضع بنتى علشان أنا مش بقرة ولكن في النهاية رضعتها سنتين
وصرحت الفنانة وقالت:ـ “أنا بكرر نفس الكلام تانى أهو، وكنت شايفة قبل الأمومة.. أنا مش عاوزة طول الوقت أخد بالى من أولادى، وكمان مش عاوزة أرضع علشان أنا مش بقرة، وفى النهاية أرضعت بنتى سنتين”.
وتابعت بسمة:ـ “وكمان رواد مواقع التواصل أخذوا جزء من الجملة، وقاموا بتحريفها وفضلت يومين تريند، وكان لما حد من المُحيطين بيا بيقولى إنتى ليه تريند، فكنت برد عليه بسخرية وأقول (دول بيقولوا عليا بقرة ياجماعة).. مع العلم بأن البقرة كويسة”.
وأضافت الفنانة:ـ “وعموماً الأفكار بتطور على سبيل المثال قبل الجواز كنت شايفة إن مسألة الطبيخ شئ مُمل أوى، ولكن بعد ما خلفت أنا بطبخ وبنتى تحب الأكل، وبعدها بشوية بقا فيه مسألة نفسنة لو حد عمل أكل أحسن منى، وكمان إزاى أوصل أكلى لمستوى يعجبها، وفى النهاية إكتشفت إن الطبيخ مُتعة مكنتش حاسه بها من زمان”.
وأنهت الفنانة حديثها:ـ “أنا مُتفائلة أوى من جروب الأمهات، وكمان عمرو حمزاوى عضو في جروب الأمهات، ودخولة الجروب ده كان نقطة تحول علشان خلى الكثير من الآباء يدخلوا الجروب، وبعدها الجروب إتحول من جروب الأمهات لجروب الأهالى أو الفصل”.
المساعده