تصدر اسم الفنانة الجميلة آمال رمزى محركات البحث على جوجل ومواقع التواصل الاجتماعى خلال الساعات القليلة الماضية، وذلك بسبب تصريحاتها الأخير عن خلافها مع الفنان عادل إمام، والتى أثارت الكثير من الجدل.
وقامت الفنانة، من خلال استضافتها ببرنامج “نص الكلام”، والتى تقوم بتقديمة الاعلامية رغدة شلهوب، والذى يُذاع من خلال فضائية “النهار” بالحديث عن الكثير من نجمات الفن، وأكدت على أنه لا توجد فنانة تشبه الفنانة هند رستم وعلقت:ـ “مفيش فنانة من الموجودين حالياً في جمال هند رستم، وده علشان جمالها طبيعى والحاجات اللى بنشوفها دلوقتى أغلبها صناعية، وأنا على فكرة ضد عمليات التجميل اللى الفنانات بتعملها دلوقتى، علشان ربنا خلقنا كده والمفروض منغيرش”.
وأضافت الفنانة:ـ “وهو مش عيب بس الزيادة مش مطلوبة، وأنا كتير لما بروح فرح أو عزاء بشوف الموجودين كلهم زى بعض، وكمان ميمنعش إنى أعمل حقنة فيلر أو بوتوكس، ولكن عملية جراحية وكده الموضوع صعب أوى، وده علشان أنا شوفت فنانات كتير حلوين قبل عمليات التجميل وبعدها حصلهم تشوه.. بس عمليات التجميل بتاع نادية الجندى عجبانى أوى”.
وتحدثت الفنانة خلال اللقاء، عن خلافها مع الفنان عادل امام وقالت:ـ “أنا زعلت أوى من عادل امام، وده علشان هو كان هيعمل البيه البواب وأنا كنت هبقى مراته، وهو اعتذر والفنان أحمد زكى عمله بداله، ولما جه أحمد زكى قالى مينفعش إنتى تقومى بدور مراتى علشان إنتى حلوة وأنا عاوز زوجه سودة زيى، وانا مش ممكن أسيبك وأروح لصفية العمرى إنتوا الاتنين لحم أبيض، وقالى إنتى ممكن تعملى الضيفة وأجرك زى ما هو.. أنا رديت عليه وقلت أوك موافقة”.
وجديراً بالذكر، بأن آمال رمزى تُعد أحد أطول الفنانات عملاً بالفن، والتى يمتد تاريخها من الستينيات من القرن الماضى وحتى عام 2018 من خلال مسلسل “عيش أحلامك”، وقدمت خلال مشوارها الفنى الكثير من الأعمال الفنية والتى أثرت بها مكتبة الفن أبرزها “الحقيقة السوداء، البيه البواب، التوت والنبوت، بديعة مصابنى، للرجال فقط”.
حلم 0568720627