أثارت الفنانة الجميلة انتصار، الكثير من الجدل خلال الساعات القليلة الماضية، بعد أن كشفت عن كواليس من حياتها الشخصية وطريقة تربيتها لأولادها، وتحدثت أيضاً عن أصعب الأدوار التى قامت بتقديمها خلال مشوارها الفنى، وأيضاً الفنانين التى تتمنى أن تعمل معهم.
انتصار: «مصطلح السينما قالوا صحفى من غير ما يقصد وأتمنى إن الناس تبطل تقولها»
وأكدت الفنانة، أثناء استضافتها ببرنامج “سبوت لايت”، والتى تقوم بتقديمة الاعلامية شيرين سليمان، والذى يُذاع من خلال فضائية “صدى البلد”، وقالت:ـ “مش فاهمة يعنى إيه سينما نظيفة، والأكيد إن ده مصطلح قالوا صحفى من غير ما يقصد، ومفيش الكلمة دى وترجمتها مش موجودة، وأتمنى إن الناس تبطل تقولها، وبجد في جمل ملهاش ترجمة في القاموس”.
وتابعت انتصار:ـ “ولكن مُعدى البرامج بيستخدموا المصطلح ده علشان التريند والكلام الكبير، وده مع العلم بأن هناك الكثير من الموضوعات الهامة اللى المفروض نتكلم فيها.. بدل النظيفة والمايوه، وهو دلوقتى فيه مايوهات أنا نفسى أشوف فيلم فيه مايوه حتى ولو رجالى، وده عشان إحنا فضلنا نقول كلام والناس بقت تتأثر بيه، وحقيقى مفيش حاجة اسمها فيلم صيفى فيه بحر زى أفلام الزمن الجميل”.
وأما عن تصريحات الفنانة، عن أنها ليس لديها مانع من إن ابنتها تُقدم مشاهد قبلات في الأعمال، علقت قائلة:ـ” أنا مقولتش كده، وكل اللى حصل واحد قال الكلام ده وبقت الناس ترددها، وأنا فكرت أرفع دعوى ضده بس مكنتش فاضية، ولكن مش هسيبه أنا عرفاه ومش هسيبة”.
وأكدت انتصار، بأنها لم تندم مرة على أى كلام قالته طالما أنها مُقتنعة به، حيث قالت:ـ “ما أنا قولت وخلاص وهو في حد بيندم على الكلام بعد ما قالوا، واللى هيندم اللى قال حاجة غلط وبس، ولكن لما يكون قال حاجة صح يبقى لازم يكون قد كلامه، وطالما الكلمة أثرت يبقى الكلمة وجعت اللى وصلتهم”.
