صرحت الفنانة المعتزلة عبير الشرقاوى، بأنها لم توجه أى إساءة “سب وشتم” إلى الإعلامى المعروف محمد الغيطى مؤلف مسلسل “الضاحك الباكى”، والذى واجه موجة من الانتقادات بسبب المسلسل.
عبير الشرقاوى عن محمد الغيطى: أنا مشتمتوش وهو إتبلى عليا وميشرفنيش إنى أوجه له أى كلام
وأكدت الفنانة المُعتزلة، أثناء مداخلة هاتفية ببرنامج “القاهرة اليوم”، والذى يقوم بتقديمة المُذيع حسام المراغى وقالت:ـ “أنا مشتمتهوش ولم أوجه له أى كلام ولا إساءة، وأنا لم أوجه له أى لفظ من اللى قالوا، وكمان مش شرف ليا إنى أوجه له أى كلام، وبأكد للمشاهد إنوا إتبلى عليا ونسب ليا كلام مقلتوش وهو عصبى أوى، وانا مش حابة أدخل معاه في نقاش ولا أوجه له أى كلام على الإطلاق”.
ومن جانبه، فقد عبرت الفنانة عبير عن رأيها في المسلسل الشهير “بطلوع الروح” وقالت:ـ “ومسلسل بطلوع الروح أنا متكلمتش على تكنيك الإخراج أو الصورة.. كل اللى أنا عملته هاجمت الكتابة وكمان في جزئية واحدة، شاب مصرى ساب أكبر شركة إعلانات في مصر وإتبرع بأمواله لداعـ،ـش، وراح علشان يبقا معاهم، وفى النهاية تطلعه بيشرب خمرة؟”.
وتابعت عبير:ـ “كل اللى بيروح لداعـ،ـش بيبقا مُضلل فكرياً وبيبقا فاكر إنى ده جـ،ـهاد، وللأسف ده مش جـ،ـهاد ولكن إرهـ،ـاب، ومش بيفكروا نهائياً إنهم يشربوا الخمر أو يعملوا أى معاصى، وكمان أنا متكلمتش في الجوانب الفنية بالرغم من أن الإيقاع كان سريع جداً، والتوتر العصبى اللى المخرجة كانت بتعمله كان زايد شوية”.
وجديراً بالذكر، بأن الإعلامى محمد الغيطى انسحب فور دخول الفنانة عبير الشرقاوى من خلال مداخلة هاتفية على الهواء في حلقة سابقة ببرنامج “القاهرة اليوم”، حيث خرج الغيطى عن شعوره وقال:ـ “دى مين علشان تنتقد؟، وأنا ماشى.. علشان دى شتمتنى في بوست، وكمان أبوها إتبرى منها على الهواء أمامى وهو عايش في مكتبه، وأنا رافض مداخلتها والسلام عليكم”.
سلام