كشفت الفنانة ياسمين صبري، عن الشروط التي يجب أن تتوفر في الأعمالها الفينة التي ستُقدمها، وأشارت بأنها تحرص دائماً على تقديم الأعمال التي تتفق مع عادات وتقاليد الأسرة المصرية، ولا تخدش الحياء العام مثل الأعمال الفنية التى قدمتها سابقاً.
ياسمين صبري: «مش مهم النافسة وضروري الدور اللي هقدمه يكون شبهي من جانب الأخلاقيات»
وأكدت الفنانة، خلال تصريحات تليفزيونية:ـ “أهم حاجة في اللي بقدمه إن الجمهور يكون سعيد ومرتاح وهو بيتفرج عليا، وضروري الدور اللي بعمله يكون شبهي من جانب الاخلاقيات، وكل أفلامي كده.. الفيلم العائلي مثلاً كل العائلة تخش تتفرج عليه وهى مطمنة، والحمد لله ده بقا معروف عني ومفيش حاجة بتخليني غريبة”.
وواصلت ياسمين:ـ “مش مهم موضوع المنافسة أبداً، وحقيقي بتمنى الخير لكل الأفلام اللي معروضه معانا، وبحب يكون المشاهد عنده خيارات كتيرة يشوفها، ويكون عنده أفلام يروح يشوفها مع عائلته والأولاد والأحفاد، ومبسوطة أوي من المشاركة في فيلم البعبع بجانب الفنان أمير كرارة، وده علشان هو فنان بمعنى الكلمة ومحترم وحساس وبيتعب كتير في شغله”.
ومن جانبها، فقدج قامت ياسمين صبري بالكشف عن أسباب مشاركتها في فيلم “البعبع”، والذي يتم عرضه حالياً بدور العرض، وأكدت خلال تصريحاتها مع القاهرة 24:ـ “بجد حدوتة الفيلم شجعتني كتير، وأنا بعمل دور صيدلانية غلبانة تعبانة وشقيانة علشان تعمل حاجة لنفسها وتبقى حاجة، وقابلت سلطان واللي بيقوم بدوره الفنان امير كرارة، واتبهدلت معاه”.
وجديراً بالذكر، بأن الفنانة ياسمين صبري شاركت في فيلم “البعبع”، وشاركها بطولة العمل مجموعة كبيرة من نجوم الفن أبرزهم “أمير كرارة، ورحاب الجمل، وباسم سمرة، ومحمد عبدالرحمن، وسمير عبدالعظيم”، وغيرهم، والعمل من تأليف إيهاب بليبل ومن إخراج حسين المنياوي.
