حلت الفنانة وفاء سالم، ضيفة في أحدث حلقات برنامج “الستات” الذي تقدمه كلًا من: مفيدة شيحة، وسهير جودة، ويعرض عبر قناة “النهار”.
وكشفت وفاء، خلال الحلقة كواليس محاولة انتحارها بعد مرورها بحالة نفسية سيئة منذ حوالي 3 سنوات، حيث أنها كانت مصابة بنوبات هلع وهلاوس كادت أن تنهي حياتها.
وقالت وفاء، عن الواقعة: “كان عندي حالة اسمها بوردر لاين.. وده مرض أعراضه متشابكة زي البكاء في أي لحظة ولأقل الأسباب.. ورفض التعامل مع الناس”.
وأضافت: “لما ابني أدهم قرر يستقل عني يمكن ده سببلي صدمة نفسية.. وحسيت إني هكمل حياتي لوحدي.. لإني مش عايزة أرتبط”.
وتابعت: “سنة 2019 يوم الوقفة.. كنت لوحدي في البيت في آخر دور في الفيلا.. فلقيت الهلاوس عليت في دماغي”.
واستكملت: “بقيت رافضة كل حاجة بتحصل حواليا ومش قادرة أتحكم في تصرفاتي.. وعندي نوبات هلع.. فوصلت لمرحلة يا رب عايزة أموت”.
وواصلت: “في اليوم ده حاولت انتحر.. لقيت صوت من بعيد بيقول يا ماما.. كان أدهم ابني مش قادر يطلعلي وعايز يكلم المطافي”.
وأكملت: “قعدت أستغفر وأصلي على النبي ونزلت فتحت البوابات ودخلت ابني.. اخدني في حضنه ودخلني العربية وخدني على المستشفى”.