حلت الفنانة الكبيرة سهير رمزي، ضيفة على الإعلامية أسما إبراهيم، في أحدث حلقات برنامج “حبر سري” الذي يعرض عبر قناة “القاهرة والناس”.
سهير رمزي: كنت هسمم أمي بالغلط
وكشفت سهير، خلال الحلقة تفاصيل واقعة كادت أن تنهي حياة والدتها، حيث قالت: “كنت هسمم أمي بالغلط وكانت حكاية غريبة”.
وأضافت: “أمي جت تعبت في يوم وقالت لي تعبانة وعندي مغص فأنا كان عندي دوا الدكتور كان كاتبهولي عشان بيريح المعدة.. دخلت جري وخدت الازازة من الحمام وحطيت لها معلقة فشربت معلقة من إزازة منظفات فيها مادة سامة محطوطة جنب إزازة الدوا اللي كنت المفروض أديهولها”.
وتابعت: “لما اكتشفت ده ندهت للناس اللي كانوا بيساعدوني في البيت وقولت لهم ينزلوا الصيدلية اللي تحت وعرفوا الصيدلي اللي حصل فجابوا شربة ملح لازم تشربها عشان تزيل آثار المادة السامة اللي شربتها بدل الدوا”.
واستكملت: “بعد ما اديت لها شربة الملح قالتلي لي كنتي هتموتيني بالسم.. كان يوم صعب.. وبقيت بقول يا نهار أسود لو كان جرى لها حاجة.. كنت هروح فيها”.
