تواجدت النجمة “سهير رمزي” في برنامج حبر سري والذي يذاع على قناة القاهرة والناس، وقد قامت بالتأكيد على ندمها بسبب القرار الذي اتخذته بعدم الإنجاب.
وقد صرحت سهير رمزي قائلة: أنا جبانة جدًا على فكرة، بخاف من الضلمة أوي، وبخاف كمان من الحشرات وبشكل أخص الصراصير.
وأكملت في تصريحاتها: مبحبش ألبس جلد الثعبان والكلام دا، ممكن لو لبستها أفضل أحلم بيها طول الليل، أنا بعترف اني جبانة.
وأردفت في حديثها ندمها بسبب عدم الإنجاب قائلة: أنا وصلت لمرحلة مامتي ولكني وحيدة، فأنا زعلانة جدًا إني مأنجبتش الإنسان اللي كان المفروض يقف جنبي، عشان كده أنا حابة جدًا الجيل الجديد دا، لأنه مهتم ببيته وأولاده.
وأضافت: الجيل بتاعنا كان خايف من الإنجاب عشان خاطر يفضل محافظ على جسمه وشكله، وأنا بعترف إني كنت أنانية في القرار دا، عشان حبيت نفسي أكتر ما يكون عندي طفل.
