أثارت الفنانة سارة سلامة، جدلًا واسعًا بسبب حديثها عن صعوبات مهنة التمثيل، ومعاناة الفنانين أثناء تصوير أعمالهم الفنية.
سارة سلامة: الجمهور ما يعرفش الممثل بيتعب قد إيه.. أنا بقع من طولي في التصوير
حيث قالت سارة، في تصريحات صحفية منذ ساعات قليلة: “التمثيل صعب بس أنا بحبه برغم صعوبته وبرغم الحاجات اللي بنمر بيها طول الوقت”.
وأضافت: “التمثيل ممتع بالنسبة لي وأنا بحب الشغلانة دي.. وأول ما بدأت تمثيل كنت بتعب جدًا بسبب عدد ساعات التصوير.. ولحد دلوقتي بتعب من كده.. وأحيانًا مش باخد بالي من صحتي وده بيبقى غصب عني لإني بشرب قهوة كتير وممكن فجأة أقع من طولي”.
وتابعت: “وإحنا بنصور مسلسل (الأجهر) وقعت فجأة بسبب الضغط.. والجمهور مش شايف كل ده.. هو بيشوف العمل بس في الآخر لكن ما يعرفش الممثل ده تعب قد إيه عشان يطلع العمل حلو بالشكل ده”.
الجدير بالذكر أن آخر أعمال الفنانة سارة سلامة، مسلسل “الأجهر” الذي عرض في الموسم الرمضاني لعام 2023.
“الأجهر” بطولة عمرو سعد، ودرة، وسيد رجب، وعمرو عبد الجليل، وخالد زكي، وناهد السباعي، وسارة سلامة، وعارفة عبد الرسول، وأحمد صفوت، وأحمد مجدي، ونور النبوي، ومصطفى أبو سريع، ومحمد جمعة، ومحمود قابيل، من تأليف: (ورشة ملوك) محمد فوزي، وأحمد حلبة، واحمد بكر، وإخراج: ياسر سامي.
